Panthaantsi 118 - Ashéninka Perené

Imanintawitakaro kipayi owitsikirori pankotsi, irootaki yaitajiri itzinkamipiroitaaro

Panthaantsi

¹⁹ Pasitaryiinaro Tasorintsi-panko, Nonkyaan-tyaari nompaasoonkitiri Pawa.

²⁰ Irootaki omoro iroka tsika ikyaa-piintaitzi impinka-thaitiri Pawa. Ari inkyaayitajiri tampatzika-siriri.

²¹ ¡Pawá! Oshiki nopaasoonkitakimi, pakakina nokowa-kotakimi. Awiroka owawisaa-kotanari.

²² Imaninta-witakaro kipayi witsikirori pankotsi, Iro kantacha irojatzi yaitairi iroka otzinkami-pirori.

²³ Iriitaki Awinkathariti Pawa matajirori, Irootaki okiryaa-wintan-tariri.

²⁴ Irootaki iroka kitaitiri iwitsikakiri Pawa, Thami awisiryaawinta-jyaari, ankimo-siri-wintajiri iroñaaka iroka kitaitiri.

²⁵ ¡Pawá! ¡Piwawisaa-kotajina! Pinkaminthayina Pawa, ari onkantyaa ojatantyaari kamiitha onkarati nantayitiri!

²⁶ ¡Tasonka-wintaari ikantaja, tima Pinkathari inatzii otyaanka-kiriri! Ari nosaika-jiitaki Tasorintsi-pankoki namanako-wintzimi intasonka-wintaitimi.

²⁷ Pinkathari inatzii Pawa, iriitaki oorinta-kota-kairi. Ajati antsipata-jyaari airikayita-kirori kompiro-pina-payi. Thami ajajiiti irojatzi pomitai-rontsiki tzimatsiri ochii onampi-naki.