Jonás 2 - Ashéninka Perené

Amanaji Jonás isaikaki imotyaaki nijaawiri

¹ Ikanta yamanaji Jonás isaikaki imotyaaki nijaa-wiri,

² ikantzi: ¡Pawá! Noñaakiro nokimaatsi-waitaka, nokampi-takimi. Pikaminthaakina awiroka. Pikimakina nokaimi kaminkari-masiki.

³ Pookawi-takana osaankanatzi inkaari, Onosika-nakina osinchaari. Aanakina omoitonkari.

⁴ Ari nokantziri: ¡Pawá! Pookakina. Airo noñaajiro pitasorintsi-pankoti.

⁵ Othonka anaakina nijaa, Opyaakina osaankanatzi inkaari. Tima inthonkyaa ankowiinatakina samantosha.

⁶ Notsitsiyanaki inthompointa nariita-paintaro kipatsi. Kimiwaitaka nasi nowiro nosaikimi tsika yasitakoi-takinami. Iro kantacha Nowinkathariti Pawa, awiroka owawisaa-kotaana nonkamimi.

⁷ Ikanta nokamimataki, nokinkithasiri-tanajimi awiroka, Pawa. Pikimakiro namanani pitasorintsi-pankotiki.

⁸ Ikaratzi pinkatha-waitziriri isiyakaaro pawaniro, Ti itsipatzimaityaami.

⁹ Irooma naaka, kaminiinka nompaasoonkitimi, Nompomi-tajimiri natsipi-takaani nasitakaamiri. Aritaki nantajimiro nokantzimiri. Tima apatziro pikanta-kaaro Pawa, piwawisaa-kotantzi.

¹⁰ Ari ikantakaajari Pawa yoka nijaa-wiri, ikamarankairi Jonás othapyaaki inkaari.