Job 42 - Ashéninka Perené

Iyotanaki Job yotaniri inatzi Pawa

¹ Yakanaki Job ikantana-kiri Pawa:

² Noyotzimi naaka pithonkiro pantayitziro maaroni, Noyotzimi awiroka asitarori maaroni kinkisiryantsi.

³ ¿Tsikama nopaitaka naaka, airo otzimi-motantana noyotani, nonkiso-siri-wintantyaarori piyomitaa-nari? Noñaawai-tasi-waitaka naaka, titzimaita nonkima-thatiro noñaawai-tziri, Tima omapokakina ti noñaapiintiro naaka awisi-mota-kinari, oshiki okompi-tzimo-takana.

⁴ Pinkimi, nonintzi noñaanatimi. Pakina onkarati nosampi-timiri.

⁵ Apatziro nokima-sitami piñaawaitzi, ti noñaa-maityaami, Irooma iroñaaka noñaakimi, naminakimi koñaaroini.

⁶ Irootaki nokisa-siryaawaitan-takari naaka, Noñiiro nosaika-waimatsitaki samampoki, aajatzi kaarasi-masiki iñaantai-tyaanari nowashaan-tajiro noñaawai-tasi-waitakari.

Itasonkawintairi Pawa yoka Job

¹⁰ Ikanta yamana-kotairi Job itsipamintha-tanipayi, ikantakaa-karo Pawa awishi-motairi ikimaatsi-waita-kari. Imaapiro-takiniri ishikyaaji-niri tzimimo-tairi-ni Job, anaanakiro oshiki-pirotzi okaratzi tzimimo-witariri owakiraini.

¹¹ Ipokajiitakini iririntzi, iritsiro-payi, aajatzi ikaratzi ñiiriri pairani. Yakyoo-jiitapajirini iwankoki. Oshiki oimosirinka-yitakiriri, ikantziri: “¡Ñaamisa! Oshiki iwasinonkaa-kimi Pawa, patsipi-takaro pikimaatsi-waita-kari.” Oshiki ipasiyi-takari ikaratzi ariitaka-riri iwankoki, tzimatsi opakiriri kiriiki, pasini ipayitakiri ikantatipoyita ooro.

¹² Itasonka-wintajiri Pawa yoka Job, yanaakaa-kiri tsika ikantawita owakiraini. Oshiki-piro-tanaji ipirayitari.

¹³ Itzimaji 7 itomi, aajatzi mawa irisinto.