Daniel 7 - Ashéninka Perené

Itomi Atziri, irasi iwairo impinkathariti

¹ Owakira yitanakaro ipinkatharitzi Belsasar Kompi-jaariki. Ari imisiwai-takiri Kamantan-tzinkari Daniel. Tima isankina-takotakiro okaratzi imisitakiri.

² Iroka ikantzi isankinataki: “Noñaakiro nomisiriki osinkyaatzi antaro inkaari. Irootaki tampyaa sinkyaa-takairori inkaari okinapaakiro kirinka, katonko, isitowa-piintzi ooryaatsiri, aajatzi tsika ikyaa-piintzi.

³ Imapoka-sitaka isitowanaki antariiti inkaari-wiri, ikarajiitzi 4. Inasiyita aparo-payi, ti isiya-wakaiyaa.

Imishakominto Pawa

⁹ Ari namina-piro-tanaki, Noñaatzii yamaitaki saika-mintotsi waniinka-tachari, Ari isaikapaaki Antaripiro-taintsiri. Kitamaaroiniki okantaka iithaari, iroowaitaki okitamaarotzi jiriniki. Kitamaaro-powainka okantaka iisi, iroowaitaki okitamaarotzi iwitzi ipiraitari. Tima paama-porinthataki saika-mintotsi, ari okantzitari aajatzi osiyantari.

¹⁰ Osiyawai-takaro omorikaa-tyiimi nijaa sitowain-tsiri isaikakira. Ari ipiyotakari oshiki oshiki-piro-tatsiri impiratani, Jataki intaina ikaratzi katziyain-chari tsika isaikaki. Ari yitaita-nakaro yapatojiita, Ipanaryaitanakiro tsika isankina-taitaki.

¹³ Aikiro noñaatziiro noñaawya-takari tsitiniriki. Omapokasita: Koñaata-naintsiri minkoriki, Isiyakari itomi atziri, Iriitaki jataintsiri isaikaki Antari-kona-taintsiri. Isinitai-takiri yokaaki-tyaari irirori.

¹⁴ Ipaitakiri iwinkathari-minto, ipasankyii-takiri sintsi-nkantsi, aajatzi waniinka-taantsi. Irootaki opoñaantari ipinkathari-wintziri maaroni atziri saikayi-tatsiri tsika-rika-payi, ikaratzi kimathata-wakaarori iñaani tsika-rika-payi. Ari inkantai-tatyiiyaani irirori, Tikatsi matairini iwashaanta-kairi ipinkatharitaki.