เยซู โตะ 21 - Prai Bibleเอาซาง อน วาง แมะ เคิบ โลก แพนซิก แมะ 1 ทาเน เอิญ ก็ เม็จ วาง แมะ เคิบ โลก แพนซิก แมะ วัล มี วาง แมะ มี แพนซิก แมะ วัล เพาะวา วาง เครม โลก แพนซิก เครม เคิบ นอก ทะเล ก็ งาล แอ็ม มด แลว ไอ มี ควะ ซีวะ เครม เตาะ 2 ทาเน เอิญ ก็ เม็จ เมือง แมะ คอง เอาซาง มพลิห โตะ เจ็น วาง ทึห เมือง เอาซาง นัน เป็น เมือง เยรูซาเล็ม แมะ เป็น เมือง เลาะลัห ซีเละ เลาะลัห มอก เจาซาว จึห คัว เลาะลัห เพา เจาบาว โตะ ฮับ ออ นันอิซยา 61:10 3 เจ็นนัน เอิญ ก็ เม็จ แญง นะ จ็อก เจ็น ตี คุด ครึ นัน คือเน “เอาซาง โตะ อุ เคิบ ครำ แลว โตะ อุ เคิบ อัห ตลอด อัห ก็ เป็น ครำ คอง นำ แลว นำ ก็ เป็น งกีจ็อง คอง อัห แลว 4 ตัก โลก แพนซิก แมะ นัน บัดนะ เอาซาง ก็ ปีด แอ็ม พุย มัด แอ มด จู ล็อง จู นัง เจ็นนัน ก็ ไอ มี ซีเอ เปิล ไอ มี ซีเอ เญ็ม ไอ มี ซีเอ ตุกใจ เซียใจ วัล เตาะ ไอ มี ซีเอ โซะ ซีวะ วัล เตาะ เพาะวา ซะ เครม จู มบลึ ซะ ไอ มี เลาะ จู มบลึ นัน ก็ งาล แอ็ม มด แลว ไอ มี ควะ ซีวะ ลุห เตาะ” แญง นะ อัง 5 เจ็นนัน วัล ล็อง นะ ตัก คุด อุ ตัก ตี คุด ครึ นัน ก็ จ็อก คือเน “ซะ จู มบลึ เอิญ ก็ แอง แมะ มด แลว ไอ มี ควะ ซีวะ วัล เตาะ แญง จู มบลึ ตี เอิญ ไล มัห เน ก็ เป็น แญง นังเลาะ ตี เจือ กุญ มัห ต็อง จด ระ อน ดาย” นำ อัง 6 นำ ก็ ไล เอิญ คือเน วัล “งาน ตี เอิญ กึด แอง เจ็น ตัก อิง ตัก นา นัน เอิญ ก็ แอง แลวๆ เอิญ อุ ตลอด วาล ไอ ตัน มี ซีวะ เอิญ ก็ อุ วาล แลว เอิญ ควะ อุ ตลอด จำ นเดย จำ กวา ไอ มี ซุด งิ ไอ มี ซุด แอ็ม ซะไม เตาะ เจ็นเน กัน ซีเอ โซะ ออก อัห ก็ ออก ตัก นอก ดัน คอง เอิญ กุญ เอิญ ก็ ระ อัห ออก ลือๆ ไอ มี เอิด ญิม ซีวะ เตาะ กัน ซีเอ ออก ตัก นอก เอิญ อัห ก็ รีด อุ ตลอด จำ นเดย จำ กวา 7 ทาเน กัน ซีเอ ซู ซะนะ อัง ซะ ไอ มี เลาะ นัน ไอ มี ญอม แอ็ม ตัก ซะ ไอ มี เลาะ นัน อัห ก็ กุญ ซะ เลาะ จู มบลึ เน เป็น กากุน คอง ออ เจ็นเน นโดน เอิญ ก็ เป็น งกีจ็อง คอง อัห อัห ก็ เป็น ควัน คอง เอิญ อัห ก็ อุ เคิบ เอิญ ฮัก 8 แต ซำรับ ครำ ตี เม็จ แญง เอิญ แลว แต อัห ควะ นเจิก ไอ มี ฮาน เจือ เอิญ อัห ก็ กุญ อุ ตี งกุก โอด ครำ ตี ไอ มี เจือ เคิบ ครำ ตี แอง ไอ มี เลาะ ครำ ตี มเบิล อัห ครำ ตี ปิล จู ครำ ตี เอิด อัหคล็อง เคิบ อัหคล็อง เอิด อัหเม เคิบ อัหเม ครำ ตี มี ครู มี คาทา ครำ ตี ไว ฮูบ ไว พะ ครำ คีอู คีลม ครำ ปึง เน อัห กุญ อุ ตัก งกุก โอด ตัก มี มาด มี โอด ลน อุ วืลๆ นัน อัห อุ ตัก งกุก โอด นัน ก็ เป็น อัห เปิล เปียะ ลบ ตึง เน” นำ อัง เมือง เยรูซาเล็ม แมะ เล็ห เจ็น ทึห 9 ทาเน ตัก ปึง เทวาดา เจ็ด ล็อง นัน ตัก เกย ก็อง ซีลุง ซะ ราย เจ็ด และ นัน ตี เป็น ซะ ราย ลบ ซุดทาย ตี อัห ทุก แอ็ม แลว นัน ก็ มี เทวาดา มี ล็อง ตัก ปึง นัน นำ มพอล เอิญ คือเน “โตะ แต็ห กา เอิญ ระ มัห ดอม เจาซาว ควัน แกะ นัน” เทวาดา ล็อง นัน อัง 10 แลว เทวาดา ไล เอิญ จังนะ แลว ซีมาล เอาซาง ก็ จำใจ เอิญ นำ ระ เทวาดา ซับรวง เอิญ เริล ตัก ญวัง ทึหๆ ญวัง นะ จ็อง ซีเละ เอิญ อุ ตัก นัน นำ ก็ ระ เอิญ เม็จ เมือง เยรูซาเล็ม แมะ คอง เอาซาง นัน เอาซาง ก็ มพลิห เมือง แมะ นัน เล็ห เจ็น ซะวัน ทึห 11 เมือง แมะ คอง เอาซาง นัน ครึ ซีเละ เอาซาง ก็ ทาง อุ ตัก เมือง แมะ นัน แอง ระ เมือง นัน ทาง ซีเละ ทาง ไซ มอก เพ็ด มอก พลอย ตัก แปง ญิม ซีเละ นัน มอก พลอย แคร็วๆ นัน เมือง เยรูซาเล็ม แมะ นัน เซ็ล อุ รับๆ เลาะลัห ซีเละ 12-14 ทาเน ก็ มี กำแพง รอบ เมือง นัน กำแพง นัน ทึห ซีเละ จ็อง ซีเละ ทิง กำแพง ลัห เซ็บ ก็ มี เกียง จ็อง และ ซิบซอง และ เป็น คาน เจ็นนัน ก็ มี ซือ ปึง ตัวแทน คอง ควัน แกะ ซิบซอง ล็อง เคียน ติด อุ ตัก เกียง ซิบซอง และ นัน ทาเน ตัก กำแพง เมือง นัน ก็ มี ปะตู ซิบซอง ตี แลว ก็ มี เทวาดา เพา ปะตู อุ มด ตึง ซิบซอง ตี นัน มี ปะตู นเดย ก็ มี เทวาดา เพา อุ มี ล็อง ตัก ปะตู ซิบซอง ตี นัน ก็ มี ซือ กรอก อิซราเอล ซิบซอง กรอก เคียน ติด อุ ตัก ปะตู นัน มด มี ปะตู นเดย ก็ มี ซือ มี กรอก ฮัก มี เพียห นเดย มี แพะ ปะตู ลัห โตะ งิ ก็ มี แพะ ปะตู ลัห เทิ๊บ งิ ก็ มี แพะ ปะตู ลัห งคม ก็ มี แพะ ปะตู ลัห นเซอะ ก็ มี แพะ ปะตู 15 ทาเน เทวาดา ล็อง ตี จ็อก เคิบ เอิญ นัน นำ ก็ มี ลำ วัด มอก ลำ วัด มอก คอง นำ ก็ เป็น ทองคำ ลำ วัด มอก ทองคำ นัน นำ ก็ เอิด วัด เมือง วัด กำแพง วัด ปะตู เมือง วัล 16 เมือง นัน ก็ ดัว 2 400 กีโล ควาง 2 400 กีโล ทึห ก็ 2 400 กีโล เตา นอย มด 17 เจ็นนัน เทวาดา ล็อง นัน ก็ วัด กำแพง เมือง วัล นำ ก็ ไจ ซอก ทำมาดา มอก ครำ แอ เน วัด ซะ นำ วัด กำแพง ก็ ทึห 144 ซอก 18 กำแพง ก็ เป็น เพ็ด พลอย เซ็ลๆ แคร็วๆ เมือง นัน อัห ก็ เอิด ทองคำ แอง เซ็ลๆ ไซๆ มอก กะจก เลาะลัห ซีเละ 19 เกียง ซิบซอง และ ตี เป็น คาน อุ ทิง กำแพง นัน อัห ก็ เอิด แกว มานี แตง เลาะลัห เกียง จู และ นัน อัห ก็ แตง ไอ มี เมือนนอย อัห เอิด มี ยาง มี และ แตง ฮัก เกียง และ แรก นัน อัห ก็ เอิด แกว โมรา ตัก เป็น พลอย ซี แคร็ว นดิก แตง และ ที ซอง นัน อัห ก็ เอิด แกว นิน ตัก เป็น พลอย ซี นำเงิน แคร็มๆ แตง และ ที ซาม อัห ก็ เอิด แกว ควัด ตัก เป็น พลอย ซี เทา แตง และ ที ซี อัห ก็ เอิด แกว มอระกด ตัก เป็น พลอย ซี แคร็วๆ แตง 20 และ ที ฮา อัห ก็ เอิด แกว โกเมน ตัก เป็น พลอย ซี นำตาน แตง และ ที ฮก อัห ก็ เอิด แกว ทับทิม ตัก เป็น พลอย โซๆ นเซ็มๆ แตง และ ที เจ็ด อัห ก็ เอิด แกว บุซะราคำ ตัก เป็น พลอย ซี เลือง แตง และ ที แปด อัห ก็ เอิด แกว นิน ตัก เป็น พลอย ซี แคร็วๆ มี ซี นำเงิน ซุน เลิม แตง และ ที กาว อัห ก็ เอิด แกว บุซะราคำ ตัก เป็น พลอย ซี เลืองๆ แคร็วๆ แด แตง และ ที ซิบ อัห ก็ เอิด แกว ยก ตัก เป็น พลอย ซี แคร็ว เบิลๆ แตง และ ที ซิบเอ็ด อัห ก็ เอิด แกว โกเมน ตัก เป็น พลอย ซี นำเงิน แตง และ ที ซิบซอง อัห ก็ เอิด แกว อาเมทิด ตัก เป็น พลอย ซี มวง แตง อัห แอง คาน กำแพง มอก นัน 21 ทาเน เลือง ปะตู เมือง ซิบซอง ตี นัน อัห เอิด ไคมุก ซิบซอง และ แอง ปะตู มี อัน นเดย อัห ก็ เอิด ไคมุก มี และ แอง จ็อง และ รวง เมือง นัน ก็ เป็น ทองคำ มด เป็น ทองคำ ไซ มอก กะจก นัน 22 ตัก เมือง แมะ นัน เอิญ ไอ มี เม็จ วิฮาน เอาซาง เตาะ ไอ มี วิฮาน ตัก นัน เพาะวา เอาซาง งกีจ็อง ตัก มี แร็ง ดก ทีซุด เคิบ ควัน แกะ นัน ปาม ก็ เป็น มอก วิฮาน เมือง นัน ฮัก ปาม อุ ตัก เมือง นัน ตลอด ครำ โตะ และ ปาม ตัก เคิง นเดย ก็ กุญ มด ไอ มี จำเป็น มี วิฮาน เตาะ 23 เมือง นัน ไอ มี จำเป็น มี แพละ งิ แพละ ซวัะ นโจง อุ เตาะ เพาะวา เอาซาง ก็ ทาง อุ ตัก เมือง นัน ฮัก ควัน แกะ นัน ก็ เป็น ตะเกียง ทาง ซะ ค็อย มด มอก งิ นัน 24 เอาซาง เคิบ ควัน แกะ ก็ ทาง อุ ตัก เมือง นัน ตลอด ทาเน ครำ จูกรอกๆ ก็ เปิง ทาง ซะ คอง เอาซาง นัน อัห เริล พานเดย ก็ ทาง เอาซาง อุ ตลอด ปึง พะเจายูฮัว ทัว โลก ก็ เอิด ซับ ซะ เลาะลัห ตัก มี กา มี ญิม ดก กุด เมือง นัน 25 ปะตู เมือง นัน ก็ ไอ มี เติล เตาะ อี พลาง อุ ตลอด เพาะวา ตัก นัน ไอ มี แจ็ล แอ็ม เตาะ เอาซาง ทาง อุ ตลอด ตัก นัน 26 ครำ จู กรอก จู จาด อัห ก็ เอิด ซับ ซะ เลาะลัห ตัก มี กา มี ญิม ดก กุด เมือง นัน อิซยา 60:11 27 แต ครำ ตี แอง ซะ เจอะ ซะ เพอะ ไอ มี กุญ กุด เมือง นัน เตาะ ครำ ตี ไอ มี เลาะ ก็ ไอ มี กุญ กุด เตาะ ครำ ตี ทือ ฮูบ ทือ พะ ตี แอ ซีอุด อัง นัน ครำ คีอู คีลม ครำ ปึง เนๆ ไอ มี กุญ กุด เมือง นัน เตาะ มี แต ครำ ตี มี ซือ จด อุ ตัก นังซือ ครำ รีด นัน เตานะ ตี กุด กุญ |
Global Partners
Global Partners