เกาตีนา 26 - Prai Bibleเลือง อิซอัก เคิบ อาบีเมเลก 1 ทาเน ก็ แร็ง เกิ๊ด ซีอ็อจ ทัว มด มอก ซะไม อับราฮัม ตัก อิง นัน แร็ง เกิ๊ด ซะ อิซอัก ก็ ลด ญาย เริล อุ ตัก เมือง เกรา เมือง เกรา เน เป็น เมือง คอง ครำ ฟีลีเตีย อาบีเมเลก ตัก เป็น พะเจายูฮัว ครำ ฟีลีเตีย นำ ก็ อุ ตัก เมือง เกรา นัน 2 ทาเน เอาซาง ก็ โตะ แอว และ อิซอัก เอาซาง ก็ ไล อิซอัก คือเน “อิซอัก มัห อำ เริล ปะเทด อียิบ เตาะ แต มัห ต็อง แอง ฮุน เอิญ ไล อน 3 มัห ต็อง อุ ตัก เน มอก ครำ เล็ห เจ็น ตี ซอ เอิญ ก็ อุ เลิม เคิบ มัห เอิญ ก็ แอง เลาะ เคิบ มัห ฮัก เอิญ ไล มัห นังเลาะ นะ ตี ซิก เน เอิญ อน ตัก มัห มด บัดนะ เอิญ ก็ อน ตัก ควัน นจะ ควัน ลาน มัห มด บัดนะ วัล ดาย เอิญ อน ตัก แป มอก เอิญ ซาบาน เคิบ เอา มัห ตัก อับราฮัม นัน” |
Global Partners
Global Partners