อิซราเอล ญาย 34 - Prai Bibleโมเซด ก็อห และ งกีจ็อง วัล 1 เจ็นนัน เยโฮวา ก็ โตะ ไล โมเซด คือเน “มัห ต็อง ทาก เอิด เกียง เปียะ แพ็น ซับ ตัก เอิญ มัห ต็อง แอง เมือน อัน เครม ตี มัห แอง แตก นัน เอิญ ก็ เคียน ซิห แญง ออ ตัก เกียง มอก อัน เครม นัน 2 งิ กรัก งกร็อห มัห ต็อง เตียม นัง ออ ระ พอม ก็อห โตะ และ เอิญ ตัก มแบ็จ ญวัง ซีนาย นทึห วัล 3 อำ มัห ระ ซีเอ ก็อห เริล เลิม เคิบ มัห เตาะ อำ ระ ซีเอ โตะ ตัก เปล ญวัง ซีนาย เน เตาะ ปึง งัว ปึง แปะ แกะ ก็ อำ ระ เย็ห โตะ ป็อง แญ็น ตัก เจ็ง ญวัง เน เตาะ” เยโฮวา อัง 4 โมเซด ก็ ทาก เอิด เกียง เปียะ แพ็น ฮุน อัน เครม นัน ปัห ซะ นำ ก็ ก็อง เกียง นัน ก็อห เริล ตัก ญวัง ซีนาย นทึห วัล นำ แอง จู มบลึ ฮุน เยโฮวา ไล นัน 28 โมเซด ก็ อุ เลิม เคิบ เยโฮวา ตัก ญวัง นัน ซีซิบ งิ ซีซิบ แจ็ล นำ ไอ มี กุญ ป็อง จะ ไอ มี กุญ ออก ซีวะ เตาะ เอาซาง ก็ เคียน แญง ซันญา คอง ออ ซิห ตัก เกียง เปียะ แพ็น นัน แญง ซันญา นัน ก็ เป็น กด ซิบ คอ คอง เอาซาง นัน |
Global Partners
Global Partners