อิซราเอล ญาย 30 - Prai Bibleเลือง แอง ตี เคิม ยา ซียุม 1 เจ็นนัน ก็ เอิด ลำ กะทินเทด แอง ตี เคิม ซะ มี ตี วัล ตี เคิม ซะ นัน ซำรับ เคิม ยา ซียุม 2 ตี เคิม ยา ซียุม นัน ต็อง แอง ควาง มี ซอก ซี เลียม เตา นอย มด ต็อง แอง ทึห เปียะ ซอก ตัก ซี แจง นัน ต็อง แอง จัง ซี จัง ซี จัง นัน ก็ ต็อง แอง ตัก ลำ มี แพน เดียว ตี มัห แอง ตี เคิม ยา นัน 3 เจ็นนัน ก็ ต็อง เอิด ทองคำ เลาะ กลับ ซิห มด ตึง ลัห นเดะ ตึง ลัห ทึห ตึง จัง มด นัน เจ็นนัน ก็ ต็อง เอิด ทองคำ ลือๆ แอง เป็น เซ็น ดัวๆ ต็อง แกวด มบัร ตี เคิม ยา นัน มด เลือง แอง ซาม จ็อง 17 เยโฮวา ก็ ไล โมเซด คือเน วัล 18 “มัห ต็อง เอิด ตอง แอง ซาม จ็อง ดาย มัห ก็ ต็อง เอิด ตอง แอง ตี ตัง ระ ซาม นัน วัล มัห ต็อง เอิด ซาม นัน ตัง ระ อน เคิง ล็อง นดิ พาเต็น เคิบ นดิ ตี เคิม ซะ นัน ต็อง เอิด ออก ซิห ระ อน ซำรับ ปึง มอ พุจ ที พุจ เจ็ง ออ 19 อาโรน เคิบ ควัน ก็ ต็อง เอิด ออก ตัก ซาม นัน พุจ ที พุจ เจ็ง ออ 20-21 อัห กุด พาเต็น นัน ญาม นเดย อัห ก็ ต็อง พุจ ที พุจ เจ็ง ออ วาล จู ลบ ระ อัห ไอ มี เปิล ญาม นเดย ตี อัห โตะ แอง ตาม นาตี ออ ญาม อัห โตะ เคิม ซะ ทวาย อน ตัก เอิญ ตัก ตี เคิม ซะ นัน อัห ก็ ต็อง พุจ ที พุจ เจ็ง ออ วาล ระ ไอ มี เปิล เน เป็น กด ซำรับ อาโรน เคิบ ควัน นจะ ควัน ลาน คอง นำ จำ นเดย จำ กวา นโดน” เยโฮวา ไล จังนะ |
Global Partners
Global Partners