Wikhikən 1 - Wikhikәn 2014

¹ Tanek amskwahs maciyaltakw Kəlosowakən iyos: naka Kəlosowakən wiciyewapənil Kəlowəsitəl: naka Kəlosowakən Kelowəsitowiwos.

² Yot tanek amskwahs maciyahak wiciyewahəpənil Kelowəsitəl.

³ Msiw kekwseyal oci kisihtasosəpənil nekəm; naka tan skat kisitokəs, skat kisihtahsiwis.

⁴ Nekəm ohəkek pəmawsowakən iyos; nit pəmawsowakən opəshakwhekəmowa pəmawsowinowək.

⁵ Pəssakwek lipitiyahtes piskahetok, piskahtek skətama wikwehtonewihpən.

⁶ Pəmawsowino oci pihitahkanes Kelowəsitow ikək liwisos San Sapatis.

⁷ Nekəm ocipəkəcihes onocinspiwolaman, onəspiw olamatəmən yot 'pəssakwek; welaman msiw wenik oci olamsətəmotiniya nekəm ohəkek.

⁸ Skat nit nekəm 'pəssakwhek, kenok 'pəcitahkanes onəspiw olametəmən yot 'pəssakwhek.

⁹ Nit olamahwakəni 'pəssakwhek tan ikəhaks skitkəmikw, pəssakwhetowats msiw pəmawsowino.

¹⁰ Nekəm iyos skitkəmikw, naka skitkəmikw oci kisihtasos nekəm ohəkek, naka skitkəmikw kətama okəcicihokowisəpənil.

¹¹ Pəkəcihes tan yot nekəm tepeltək nekəm tepeltək skat wihkwehləkowən.

¹² Kenok tanihi wikwehlicihi omilanes təpeltəmowakən Kelowəsit onicanin, nihtəna tanik welameweltəmat wisowən.

¹³ Tanik skat weci nəmikəsoltihkwik pəkahkənək, kəsəna mhək olitahatəhatəmowakənəm ikək kesəna pəmawsowinowək olitahatəmowakənəmo ikowak; kenok oci nəmikosoltowək Kelowəsitow ikək.

¹⁴ Kəlosowakən mhəkowesos, iyos tan eyəkw, knəmitowanenohpən okicitəmitəhatəmowakən; tahalo Mihtakwsit Kelowəsit wihwihiw 'kwəssəl okicitəmitəhatəmowakən, əpsənpos həlelmokwewkən naka olamewakən.

¹⁵ San Sapatis onəspiw olamalasəpənil, otokemihtasos, itəm: Wət nekəm tan wət nestəhokpən [tan ekitəman] tan wət wecipəkəciyat ntasitemək iyos meskw nil eyiwən ipəcəl piyemikcitəmitpəso katək nil.

¹⁶ Msiyə tan kesiyekw kohcim sənəmənenopən opəsnehtakənəm, naka lelmokwewakən oci lelmokwewakən.

¹⁷ Kenok tpaskowakən oci milowanes Mowisk, kenok lelmokwewakən naka olamewakən oci ckoces Sesohs ohəkek.

¹⁸ Meskw wen nəmiyawiyəl Kelowəsitəl tan tepəkt toci; wihwipə 'Kwəssəl tan Mitakwsəl otlamsek eyilicil, nekəm okisakənimal.

¹⁹ Nit yot San Sapatis onəspin olamewakən tan toci Leswihsək oci pcitahkaniya Selosalemk pahtəliyasək naka Lipeyik wetapeksilicihi opapehcimaniya: Wen kil?

²⁰ Opapekakənotəmowa, skat okatowən, kenok opapekakənotəmowa, itəm: Nil skat Niweskowiw.

²¹ Naka otəlipapehcimaniya: Kekwseyəlo? Kil nit Elicah? Sapatis itəm: Skat: Kil nit nikanikcicitakewin? Asitemat: Kətama.

²² Nit weci iyalatit: Wen kil? Welaman nkisiyasitemanowək tanik pecitakəlinəməkpənik: tanəl ktəlotəmən akhək?

²³ Sapatis itəm; Nil okəlosowakən tan wen etlokemits pakətakəmikw, etliyetəkəs: Olikiyakwehtok Ksakəmamowa otawt, tan itəkəs nikanikcicitakewin Isayi.

²⁴ Nit tanik kisi pcitahkemkəsəpənik oci iyoltəsəpənik Palosiyək ohəkewak.

²⁵ Opapehcimnawal: Nit weci kekwseyəlo weci paptiysowehlowiyən skat Niweskowiwnən kesəna Eleyicah, kesəna nət nikanikcicitakewin.

²⁶ Sapatis asitewtəm: Cotehlo nil npaptiysowehlo samakwanək; kenok wen sehket apasiw khəkewak, tan skat kecicihawekw.

²⁷ Nekəm nət tan wecipəkəciyat ntasitemək, iyos meskw nil eyiwan; tan ocisəkonap skat nil ntipkaw tiwnewin ntapkwehtowan.

²⁸ Nit nihtəl keskwahal kis kacitpiyaksəpənikəl Pehtapəlek, kamək sihp tan eliwsowiks Soltən, tan tet Sapatis etli papteysowehtasits.

²⁹ Nit ehtahkahte kiskət Sapatis onəmihal Sesohsəl weckowihalicil tan eyit itəm: Sakihok! Kelowəsit Otəsipisəməl, tan maceptakw skitkəmikw lahkəmiksowakən.

³⁰ Nekəm nət tan weskowimokpən tan itəmanpən: Oskitap ocipəkəcihe ntasitemək tan eyits nil meskw aywan ipəcəl iyos nil meskw eyiwan (ipəcəl acipiyemikcitəmitpəsos katək nil).

³¹ Nil skat nkəcicihawis, kenok welaman oci meswehtasin Islelkwec, kowihpaptiysowehlowiyanpən samakwanək.

³² Sapatis nspiwolamepən, itəmopən: Nkisinəmiya Kehci-niweskwit ocicahkol ocipənekweso spəmkik liko tahalo pəles, ənkeso ohəkek.

³³ Skat nənowawihpən kenok nekəm tan elkimitpən npaptiysowehlowan samakwanək, ntihokopən nil: Ktnəmiyac Kelowəsit ocacakol ockowi pənekwesihlin nkesowəl ohəkek, nət nekəm tan noci paptiysowehlowet Kehci-niweskwitow ikək.

³⁴ Nil nəmiyapən nəspiwolam nət co Kelowəsit 'Kwəssəl.

³⁵ Nit ehtahkahte kiskət Sapatis apc sehket, niso tanihi ekehkimacihi wiciyewawal.

³⁶ Otətləsakihal Sesohsəl pemoselicil itəm: Sak ihək! Otəsipihsəməl Kelowəsit!

³⁷ Yokt nisowək ikehkimocik onotowawal Sapatisəl etliwestolicil, nekəmaw onosokowawal Sesohsəl.

³⁸ Naka Sesohs kwolpikapoweso, onəmiya onosokako, 'tiya: Kekwse kilowatowekw? 'Tiyawal: Lapiey, tan kisi kwolpiwitasik, itəmən: Notəkehkikemit tama ktih?

³⁹ Sesohs 'tiya: Ckokowtikw, knəmitoniyac. Petkowtowək onəmitoniya tan tet eyilit, wiciyewawal nit kiskət. Tamahal nkotinskekewe paskotikən.

⁴⁰ Peskw nit nisicik oskitapiyək tanik onotowawəsəpənil Sapatisəl etliwestolicil, naka nonəsokowaniya Sesohsəl, Atəle nət, Simo Piyel wecikititicil.

⁴¹ Nekəm təmk oməskowal wicikititicil Simowəl, 'tiyal: Nməskowan Niweskwit, tan kisi kwəlpiwitasik itaso Mimkwena.

⁴² Opeciphal Sesohs. Sesohs esakihat, itəm: Kil Simo, Sona 'kwəssəl. Kil ktəliwihokəc Sihpəs, tan kisi kwolpiwitasik, itaso, Pənapskw (Piyel.)

⁴³ Nit kətək ehtahkahte kiskət Sesohs kətilihe Koliletk, oməskowal Pelipəl, Sesohs 'tiyal: Nosokowin.

⁴⁴ Nit Pilip təleyawiw Petsehtek, Atəle Piyel ototenewa.

⁴⁵ Pilip oməskowa Nahtaniyeləl, 'tiyal; Nkisimskowan nekəm tan Mowis tpəlotəmowakən ikək, naka nikanikcicitakewinowək otowikhawasipənil, nət Sesohs Sosep 'kwəssəl, tan 'ci Nasaletk.

⁴⁶ Nahtaniyel 'tiyal: Meci kisi kekw kəlowət wecinotahak Nasaletk? Pilip 'tiyal: Ckowi sakiht.

⁴⁷ Sesohs onəmiyal Nahtaniyeləl weckocalicil tan eyit, otəliyakənimal: Sakihək! Islelk witatkonkəsit, ketlewewakən ikək, tan ohəkek kespokahlətowakən skat iyiwi.

⁴⁸ Nahtaniyel 'tiyal: Tama tet kocikcicihi nil? Sesohs 'tasitemal: Meskw wikwimlokw Pilip, eyiyən emekew mihnikəpəs, knəmiholohpən.

⁴⁹ Nahtaniyel asitewtəm: Lapeyi, Nsakəmam, kil Kelowəsit 'Kwəssəl, kil Islel Okinceməsəməl.

⁵⁰ Sesohs 'tiyal: Ipəcəl ktiholohpən, knəmiholohpən emekew mihnik əpəs nit weci olamewelmiyən knəmitonəlc acinəkəmkikwənol, aciyəsəki nakotol, skatək nihtəl.

⁵¹ Naka 'tiyal: Leyo, iyalol, elmihakc knəmitonc spəmk pantehtehc, Kelowəsit otaselim onakihiyək naka emehkehiyək pəmawsowin 'Kwəssəl ohəkek.