SHURAI 5 - SHEEYU BAIBEL (BSI)

Adam vei Tyaosholea

¹ Haihai Adam vei tyaosholea ko rüthouyu larüe. Ramai nou maiye souyu phaki, Puhnou mai hai Ramai zhuh rai hinou soupeie.

² Puhnou poutu ae naotu tea soupeie, ae puh nou puhaiye sü shiha peie ae puh hai ye soupeiyu phakinou mai tea zhih sapeie.

³ Adam nou po 130 payu kisü puhzhu rai hinou nahpoutu ali naloue alia puh zhih hai Seth tea sapeie.

⁴ Seth nalouyu thai, Adam nou po 800 hrüloue ae puh hai nahpoutu naotu kukhemai-a bue.

⁵ Adam nou maiyu hai po 930 hrüloua thaitare.

⁶ Seth nou po 105 payu kisü Enosh naloue.

⁷ Enosh nalouyu thai Seth nou po 807 hrüloue alia puh hai nah naotu poutu kukhea bue.

⁸ Seth nou maiyu hai po 912 hrüloua thaitare.

⁹ Enosh nou po raikü maikouyu phaki nahpoutu Kenan ye naloue.

¹⁰ Kenan nalouyu thai Enosh nou po 815 hrüloue alia puh nahpoutu naotu kukhemai-a bue.

¹¹ Enosh nou po 905 hrüloua thaitare.

¹² Kenan nou po rainai payu kisü Mahalalel naloue.

¹³ Mahalalel nalouyu thai Kenan nou po 840 hrüloue alia puhnah naotu poutu kukhea bue.

¹⁴ Kenan nou po 910 hrüloua thaitare.

¹⁵ Mahalalel nou po rairoua ngou payu kisü Jared naloue.

¹⁶ Jared nalouyu thai Mahalalel nou po 830 hrüloue alia puhnah naotu poutu kukhea bue.

¹⁷ Mahalalel hai po 895 hrüloua thaitare.

¹⁸ Jared nou po 162 payu kisü Enok naloue.

¹⁹ Enok nalouyu thai Jared nou po 800 hrüloue alia puh hai nahpoutu naotu kukhea bue.

²⁰ Jared nou po 962 hrüloua thaitare.

²¹ Enok nou po rairouangou payu kisü Methuselah naloue.

²² Methuselah nalouyu thai po 300 hai Enok nou Ramai ye koa hrüe alia puhnah naotu poutu kukhea bue.

²³ Enok nou po 365 hrüloue.

²⁴ Enok nou Ramai koa hrüe alia puhsü halia soumoa hatare, daiolouzü Ramai nou puhye saloure.

²⁵ Methuselah nou po 187 payu kisü Lamek naloue.

²⁶ Lamek nalouyu thai Methuselah nou po 782 hrüloue alia puhnah naotu poutu kukhea bue.

²⁷ Methuselah nou po 969 hrüloua thaitare.

²⁸ Lamek nou po 182 payu phaki, puh nou nahpoutu ali naloue.

²⁹ Puh zhih sü Noha tea saloua paoe, “Mapao nou chaa peikhai touyu deiphao hinou Etao tahta-a veahoa buyu hinou nah haina nou Etaoye souva peilai.”

³⁰ Noha nalouyu thai Lamek nou po 595 hrüloue alia puhnah naotu poutu kukhea bue.

³¹ Lamek nou po 777 hrüloua thaitare.

³² Noha nou po 500 payu kisü Shem, Ham ae Japheth naloue.