SHURAI 36 - SHEEYU BAIBEL (BSI)

Esau Tyaonah Maitao

¹ Haitao hai Esau (süolouzü Edom) vei tyaonah maitaoe.

² Esau nou Kanaan maipfü nayu taohai: Hitmai puona Elom nahpai Adah, Hivmai puona Zibeon nahpoutu Anah napai Oholibamah,

³ Ishmeal napai ae Nebaioth tupai Basemath.

⁴ Adah nou Eliphez napeie, Basemath nou Reuel napeie.

⁵ Oholibamah nou Jeush, Jalam ae Korah napeie. Nahpoutu haitao hai Kanaan teidei hinou naloue.

⁶ Süthaisü Esau nou puh chapfü, puh nahpoututao, nah naotutao, puh kikha hi buyu mai hrülai ae puhvei hrikhaona ae Kanaan teidei hinou ngaolouyu kini teitei poloua puh thaihou hinou tapoa buh kukhe hi hotare.

⁷ Daiolouzü Jakob ae puh vei kikhaorü kholai dei sü taile loure.

⁸ Südonou Esau nou Edom vei deichi nuh Seir hilo taho butare.

⁹ Haitao hai Esau vei tyaonah, Edom maivei puopaoh-e.

^10-13 Esau chapfü Adah nou Eliphaz napeie, ae Eliphaz nou nahpoutu angou ngaoloue, sütaosü Teman, Omar, Zepho, Gatam, ae Kenaz touwe. Chapfü kukhe Timna hinou nahpoutu Amalek ngaopuloue. Esau chapfü Basemath nou Reuel napeie alia Reuel nou nahpoutu adai ngaoloue. sütaosü Nahath, Zerah, Shammah ae Mizzah toue.

¹⁴ Zibeon nahpoutu Anah nahpai Oholibamah nou Esau ye nahpoutu asü - Jeush, Jalam ae Korah napeie.

¹⁵ Haitao hai Esau hinou veyu tyahrütaoe. Esau nahpoutu tsükhana Eliphaz hinou Teman, Omar, Zepho, Kenaz,

¹⁶ Korah, Gatam ae Amalek maitya hrüvewe. Haitao hai Esau chapfü Adah tyaonah-e.

¹⁷ Esau nahpoutu Reuel hai Nahath, Zerah, Shammah ae Mizzah touyu tyahrü haitao vei puopaoh-e. Haitao hai Esau chapfü Basemath tyaonah maitaoe.

¹⁸ Esau chapfü Anah nahpai Oholibamah hinou payu tyahrü taosü Jeush, Jalam, ae Korah toue.

¹⁹ Tyahrü haitao teitei hai Esau hinou hrüve-e.

Seir vei Tyaonah Maitao

^20-21 Edom teidei hi hrüve buraitao tyahrü kukua dade paloua lah kukuvei puopaoh phouveyu phaki Hormai puona Seir vei tyaonah haitao hinou hrüve-e. Seir vei tyaonah taosü Lotan, Shobal, Zibean, Anah, Dishon, Ezer ae Dishan.

²² Lotan hai Hori ae Heman vei puopaoh-e (Lotan hai Timna touyu tupai ali bue).

²³ Shobal hai Alvan, Manahath, Ebal, Shepho ae Onam maityatao vei puopaoh-e.

²⁴ Zibeon hai nahpoutu ahai bue, puhai zhih nou Aiah ae Anah toue. (Anah nou puo vei rheisüh khoa buyu phaki rekounou dzüleyu dzünghou ali ngaoloue).

²⁵ Anah hai Dishon puo-e alia Oholibamah hai Anah nahpaie.

²⁶ Dishon nahpoutu taosü haitaoe: Hemdan, Eshban, Ithran, ae Cheran.

²⁷ Ezer hai Belhan, Zaavan ae Akan tyahrütao vei puopaoh-e.

²⁸ Dishan hai Uz ae Aran tyahrütao vei puopaoh-e.

^29-30 Haitao hai Edom teidei hinou hrüyu Hormai tyahrütao-e: Lotan, Shobal, Zibeon, Anah, Dishon, Ezer ae Dishan.

Edom hi Vemaitao

³¹ Israel mai hi mailia veo soumo kinou mai haitao nou shoshonou Edom hi veo soue.

³² Beor nahpoutu Bela nou Edom hi veo soue. Puhvei nuhdu nasü Dinhabah-e.

³³ Bela thaiyu thai, Bozrah hinou Zerah nahpoutu Jabab nou vebuh thaoloue.

³⁴ Jobab thaitayu thai Teman nuh hinou veyu Husham nou vebuh thaoloue.

³⁵ Husham thaitayu thai Bedad nahpoutu Hadad nou pa vebuh thaoloue. Puhnou Midia maiye Moab mai teidei hinou reih veiloue. Puhvei nuhdu nasü Avith tea kue.

³⁶ Hada thailo Masrekah maipuo Samlah nou vebuh thaoloue.

³⁷ Euphrat rei hi buyu Rehoboth maipuona Shaul nou Samlah thailo pa veo souloue.

³⁸ Shaul thaitayu thai Akbor nahpoutu Baal-hanan nou pa veo souloue.

³⁹ Baal-hanan thaiyu thai Pau mai nuhdu hinou veyu Hada nou vebuh pa buloue. Puh chapfü zhih hai Mehetabel toue, puh hai Matred nahpaie ae Mezahah tyao-e.

^40-43 Esau hai Edom mai tyahrü haitao vei puopaoh-e: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, ae Iram. Tyahrü haitao alili nou buyu nuh sü puletao tyahrü zhih nanou süwe.