NEHEMIAH 12 - SHEEYU BAIBEL (BSI)

Napao Maitao ae Levi Maitao vei Zhih

¹ Khelo nou zhih rükhai touyu napao maitao ae Levi maitao hai Shealtiel nahpoutu Zerubbabel ae Napao Peichana Joshua nou vakou nou süthaisa-a dakhai veyu maitao-e:

^2-7 Napao maitao: Seraiah, Jeremiah, Ezra, Amariah, Malluch, Hattush, Shekaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah, ae Jedaiah. Mai haitao nou Joshua vei teile hi napao maitaoye süthai peie.

⁸ Levi maitao: Levi mai haitao nou kalo vei lou souyu hi süthai peie: Jeshua, Binnui, Kadmiel, Sherebiah, Judah, ae Mattaniah.

⁹ Bakbukiah, Unno ae puletao vei thaihou jürai Levi maitao nou alilo vanou la-a nou lou souwe.

Napao Peicha Joshua vei Tyaosholea

¹⁰ Joshua nou Joiakim vei puo-e; Joiakim nou Eliashib vei puo-e; Eliashib nou Joiada vei puo-e;

¹¹ Joiada nou Jonathan vei puo-e; ae Jonathan nou Jaddua vei puo-e.

Napao Maitao vei Khü hi Peicha Maitao

^12-21 Joiakim nou Napao Peicha sou buyu phaki, napao mai haitao nou lahkuku vei khü hi peichana sü soue: Napao Khü Meraiah Seraiah Hananiah Jeremiah Meshullam Ezra Jehohanan Amariah Jonathan Malluchi Josef Shebaniah Adna Harim Helkai Meraioth Zekhariah Iddo Meshullam Ginnethon Zikhri Abijah ... Miniamin Piltai Moadiah Shammua Bilgah Jehonathan Shemaiah Mattenai Joiarib Uzzi Jedaiah Kallai Sallai Eber Amok Hashabiah Hilkiah Nethanel Jedaiah

Napao Napao Maitao ae Levi Maitao vei Kihikhamai Zhih

²² Eliashib, Joiada, Jonathan, ae Jaddua nou Napao Peichana soua buyu phaki, Levi maivei kihikha maitao ae napao maivei kihikha maitao vei zhih hai rükhai peie. Zhih rüyu haina hai Darius nou Persia teidei hi veo soua buyu teile hinou rücheloue.

²³ Levi maivei kihikha maitao zhih hai Eliashib vei tyao Jonathan vei teile thainou Puopaoh maivei Zhih Rüthoyu Larübvü hisü rüthou peia baie.

Rathoki hi Vah Soure Maitaoye Vahbu Zhipeiyu

²⁴ Hashabiah, Sherebiah, Jeshua, Binnui, ae Kadmiel hai maitao vei süthai-apei khakhe hinou Levi mai hai meme soua dade loure. Ramai vei mai David veo nou paodou peikhai touyu thaifüa vuli hi maime ahai nou reirei-a Ramai hi kalo pao-a lou sousho-e.

²⁵ Mai haitao nou Rathoki vei bomü hinou kini pojükhai touyu kide sü reihkhao soue: Mattaniah, Bakbukiah, Obadiah, Meshullam, Talmon, ae Akkub.

²⁶ Mai haitao hai Jehozadak vei tyao ae Joshua vei nahpoutu Joiakim, teidei khowo Nehemiah, ae napao alia rü-apeio Ezra vei teile hinou hrüe.

Nehemiah nou Nuhdu vei Kivo Sousheeloua Sathouyu

²⁷ Jerusalem kivo soucheloua sathouyu phaki, puletao nou Levi mai hrülaiye panou tave koa khonüh nüre donou ae beibei da-a shapoulei nghoua kalo vei lou panou soure donou buh liki buyu Levi maiye sü kupoa nou ve-e.

²⁸ Lou souyu Levi vei kihikhamai nou me souloua Jerusalem pehao teitei hinou ae Netaphah nuhdu pehao hinou ve fühao soua buloure,

²⁹ ae Bethgigal, Geba, ae Azmaveth nuhdutao hinou save-e.

³⁰ Napao maitao ae Levi maitao nou maikhe maiye donou, rokhubomütao, nuhdu vei kivo, alia puletao nou lahye soushee louyu naanou hai souloure.

³¹ Süthaisü Enou Judah hi süthai-apei maitao hai kivo peitaoh hi sapa loure, ae puletaoye panou maime dushoyu ahai soua dadeloua Ramai kalo pao-a kivo sü tasühaore donou lüthou peiwure. Maime arai naye panou zhoulova buyu Nghouhrao vei Rokhubomü hilova tare.

³² Hoshaiah nou lou souyu maitao thailo vanou ta-e, ae puhye Judah hi süthai-apei mai dali nou thaifü ta-e.

^33-35 Napao mai haitao nou shabe nghoupoa nou süthailo hai ta-e: Azariah, Ezra, Meshullam, Judah, Benjamin, Shemaiah, ae Jeremiah. Süthailo hai Shemiah vei tyao, Jonathan nahpoutu Zekhariah nou ta-e. (Puhye koa tayu maitao hai puhvei puopaoh Mattaniah, Mikaiah, ae Zakkur, puletao hai Asaph vei khüe.)

³⁶ Puhvei khü hinou mai haitao-a puhye thaifü ta-e: Shemaiah, Azarel, Milalai, Gilalai, Maai, Nethanel, Judah, ae Hanani. Mai haitao nou Ramai vei mai, David veo nou poa lou souyu basei hai pota-e. Larü rü-apeio Ezra nou puletaoye süthai poa nou ta-e.

³⁷ Puletao nou Dzüla vei Rokhubomü hinou tapoa David nuhdu hi talouyu phiheadou hinou David vei veofühao hinou Dzü vei Rokhubomü hi tasühao poa nou kou-e.

³⁸ Me kukhe nanou kivo vei peitaoh hinou nalova hai kalo paopoa nou ta-e, ae Enou mai dali hai sapoa nou ta-e. Etao nou Thao Chuhkho nasü tachopoa Kivo Adu lovasü koue,

³⁹ ae sühinou Ephraim Rokhubomü, Jeshanah Rokhubomü, Kha vei Rokhubomü, Hananel vei Chuhkho, ae Chuhkho Kaihli soukhai touyu hinou Zhaotu vei Rokhubomü hi kou-e. Etao nou tasühao poa nou Rathoki vei bomü hinou kou akhai sou-e.

⁴⁰ Sübüa me ahai nou tave Rathoki pehao hinou Ramai kalo sü paoe. Eye koa tayu süthai-apei maitao jünou la-a

⁴¹ avei maime nahisü napao mai haitao hai shabe nghoupoa nou ta-e: Eliakim, Maaseiah, Miniamin, Mikaiah, Elioenai, Zekhariah, ae Hananiah;

⁴² ae puletaoye mai haitao nou thaifü ta-e: Maaseiah, Shemaiah, Eleazar, Uzzi, Jehohanan, Malkhijah, Elam, ae Ezer. Jezrahiah nou süthaiyu lou souyu maime nanou lou hai pai chisho-a nou soupeie.

⁴³ Süzhou teithe hai maikhe mainou asah soua posheela hai alao posheela peie, daiolouzü Ramai nou puletaoye savayu hai peie. Naotumai ae nahmaitao-a khonüh sü koa nou nüzho-e, ae puletao nou shurao souyu hai ka doushoyu hiloa sütare.

Rathore donou Rathoki hi Soudayu

⁴⁴ Süzhou teithe hinou Rathoki hi peire natao hai panou khopeire donou, zha kirou hinou zha ali taith peire ae potei hi ngaolou raikayu thoudzü ae shinamara zhupeire maitao hai doloure. Mai haitaoye panou nuhdu kukhe hinou hrüyu maitao nou Chikha thaifüa napao maitao ae Levi maitaoye peire natao hai-a pojü peilai. Judah hi hrüa buyu mai hrülai nou napao maitao ae Levi maitao nou vah soupfüyu hai ngaoloua lesa sho-e,

⁴⁵ daiolouzü puletao nou naanou hai soupeie ae Ramai nou kharochi peikhai touyu thaifüa soushee peie. Rathoki hi lou souyu maitao ae rathoki khoyu maitao-a Veo David vei nahpoutu Solomon nou paodou peikhai touyu thaifüa vah khesü soupeie.

⁴⁶ Veo David vei teile hinou lou souyu Asaph vei khü nou Ramai hi kalo vei lou hai sousho peie.

⁴⁷ Zerubbabel vei teile hinou, ae Nehemiah vei teile hinou Israel maitao nou rathoki hi lou souyu maitao ae rathoki khoyu maitaoye sapeina khesü peie. Maikhe mainou Levi maitaoye sheeyu posheelana khesü pove peie, ae Levi maitao nou napao maitaoye peizü natao hai peie.