MALAKAI 4 - SHEEYU BAIBEL (BSI)

Mapao vei Teithe sü Velaire

¹ Zhukhaio, deithou soushoyu meipfü büyu teithe sü laire, süki le khouyu mai ae vahshi souyu maiye sü rouvao kua puletaoye sü mei nou deikhaiwulai, beima koute-a shopei laimoe, tea hrülai pei hi Mapao nou paoe.

² Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

³ Enou vah soutayu teithe hisü neletao nou mai ashi maisü phinou taina poa talai, daiolouzü puletao hai neletao philakhe konai bülai, tea Mapao nou paoe.

⁴ Enou Israel maiye donou Horeb hinou akilai Moses hi kharochi alia tazü zhai peikhai touyutao hai tsülouo.

⁵ Zhukhaio, pishoyu Mapao vei teithe vemo jünou Enou rachipaolawo Elijah ye sü rai-a seive peilai.

⁶ Alia puo khemai lethou sü nah khemai hi thou peilai, ae nahkhemai lethou hisü puo khemai lethou hi dathou peilai, süku more toulouzü Enou ve teidei sü chaa nou souha bailai.