LOUTAO 93 - SHEEYU BAIBEL (BSI)Ramai hai Veo Süe 1 Mapao nou veo sü soua bue. Puh hai kathe aveih ae khouko sünou banoupoa bue. Deiphao hai soutaosoua nou soutsü tou khaipeiwure, ae hainasü soulülou hore. 2 Oh Mapaowo, nevei vebuh sü araikha hinou tsüsho-a soushu khaiwure, ae newo louzü akhai ha-a teisa nou bue. 3 Zaidu hi dzü sünou khüpare, Oh Mapaowo; dzüdu sünou shusoua khüpare. 4 Zaidu hi dzü khüpayu jünou dupua ae zaidzü nghoupayu jünou khouko bupua Mapao nou rakiva hinou khasa-a nou bue. 5 Nevei chikha khesü teisa nou bulai, Mapao, ae nevei Rathoki hai akhai ha-a teisa nou sheesha tea bukoutewe. |
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
Bible Society of India