LOUTAO 82 - SHEEYU BAIBEL (BSI)

Kaozü nasü Soupeio tea Khoyu

¹ Ramai nou puhvei chikuyu buh hinou buloua ramaitao nou vejüa buyu hrohinou puhnou puhvei chidei nasü peie:

² “Neletao nou cheche moa chidei peiyu nasü bailo; mai ashi maiye phaobo peia souku peiyu khesü soupu khaiso!

³ Lülou homai ae pfüpuo hayu mai hi kaozü nasü soupeio, ae touha-a veaho laiyu maivei kaozü nasü kho peio.

⁴ Puletaoye mai ashi mai bah hinou vupa peio.

⁵ “Neletao hai daizhou koute tsüha-a nou vo sarou! Neletao mai hrülai nou shitakhai toure, ae teideiphao hisü kaozü ae acheche nasü hatare.

⁶ Enou paowe, ‘Neletao hai ramaitao-e, Kukulai hi Abuo vei nahmaitao-e.’

⁷ Ana neletao hai mai büa thai ta-a bailai, neletao vei hümamai hai veo nahpoutu maitao büa akhai soulai.”

⁸ Oh Ramai, tave deiphao sü khasa-a hrüpeio, deiphao hi tyahrü veishi sü nevei baie.