LOUTAO 8 - SHEEYU BAIBEL (BSI)

Ramai vei Khouko Ava ae Emai vei Khekai

¹ Oh Mapaowo, Etao vei Mapaowo, nevei adu aso sü teideiphao teitei hinou ngaowe! neye paoshoyu hai raki hi khetere;

² nahtoumai alia nao-a buyu napumai mü hinou neye lou sou showe. Newo ngaobamai hinou kaozhou shiyu hae; neye duyu mai taralia nenou soukhaikou baiwe.

³ Nenou soukhai touyu teikou Enou zhuyu phaki, lahkuku vei buh hi souposhu khaitouyu khouh ae teivutao zhuyu phaki—

⁴ nenou licho peiyu ae nenou soutaosou lüpei-a buyu; Emaitou sü daige?

⁵ Anou nenou puhye sü lah ne likheithe jünou khai-a soupeie; nenou puhye sü khouko ava ae khuhao nou peirü soua rüpeie.

⁶ Puhye panou ne basha veishi pei khowo soure donou nenou puhye sü dopapeie; nenou puhye ne basha teitei pei hi khore donou pokhai peie:

⁷ zhaotu ae nghitu, alia rekhaona hrülai;

⁸ tei hi raohou ae khatao, alia zai hi buyu hrikhaona teitei pei hi panou khore donou soupeie.

⁹ Oh Mapao. Etao vei Mapao, teideiphao veishi nou nevei aduso nasü ngaore!