LOUTAO 70 - SHEEYU BAIBEL (BSI)Soukha Khoyu Veachi ( Lou 40.13-17 ) 1 Eye khailupa peio, Oh Ramai! Mapaowo, chunou Eye soukha peio! 2 Eye southalai tea teyu mai hrülaiye sü panou hraongu ngaotheo, ae cho ha-a nou pa bürarou-a bupeio. Enou veahoyu phaki lesa-a nou buyu maitaoye sü panou pah shiyu sü ngao-a nou dakhai tayu soupeio. 3 Eye konüa buyu maitaoye sü panou hraongu ngao-a kanghi tayu sü soupeio. 4 Ne hi velouyu mai hrülaiye sü panou asah soua savayu sü soupeio. Nenou khailupa peiyu donou ne hi kalo pao-a buyu maitaoye panou teisa haibüa pao-a bulo, “Mapao hai daizhou koute dusa!” 5 Oh Ramai, Ewo lülou hore ae touhare; ahi thasho-a nou tave peio. Oh Mapaowo, ne hai Eye khailupa apeio nasüe, thasho-a nou tave Eye soukha peio. |
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
Bible Society of India