LOUTAO 62 - SHEEYU BAIBEL (BSI)

Ramai nou Khopeiyu hi Loucheyu

¹ Enou soutaosou heamea poa nou Ramai ye sü kho-e, Eye khailu peiyu sü puh hinou ve-e.

² Eye kho peire ae khailupa peire pusü puh likhei baie; Puhnou Eye mou-lüpoa vupa peilai, südonou Esü hraongu daokhailai moe.

³ Pepo tayu kivo ae latayu bokha ali büa buyu mai aliye teile kasho-a neletao nou soushi peire donou dua bukou laige?

⁴ Neletao nou puhye sü tsükhouyu buh hinou pokou peiyu likhei jüpa-a bubaie, neletao hai darua laiyu nasü jüpa shoe. Neletao mü hiolouzü shiha peiyu chipao khesü paowe, ana lekhevai-o chaa pei baiwe.

⁵ Enou Ramai hi likhei vuzhia bubaie; avei areih nasü puh baie.

⁶ Eye kho peire ae khailupa peire nasü puh likhei baie; puhnou Eye moulüpoa vupa peilai, südonou Esü hraongu ngaokhailai moe.

⁷ Eye khailupa peire ae avei khekai nasü Ramai bah hi bue; Ramai hai avei chuhdu nasüe; ae veisho-a buyu avei baibue.

⁸ Oh avei maitaore, teile veishi hinou Ramai ye louchelo. Neletao vei veahoyu teitei sü puh hi paongao khaio, daiolouzü Etao vei baibu nasü puh baie.

⁹ Emai touhai teikhai hüphou teanou veyu ali bütoua baie; aduso mai-a hazho tilia moe. Tai-du sümoa sühdou hinou polou douyu phaki puletao mai hrülai hai teikhai jünou thapu hie.

¹⁰ Züvei-a vah ashi souyu donou veiloulai touyu nasü loucheso, maivei shaotou shaosoyu vanou vasayu sü ngaolou süe tea areih buso. Nenou hangi pare touyuma nevei kini hisü nevei tsüle khaiso.

¹¹ Ramai nou haibüa paoyu Enou vu ali jünou la-a nou choure, süolouzü khouko veishi hai Ramai hi bue,

¹² ae tobai soumoa zhuvea leshi peiyu nasü puh baie. Oh Mapaowo, maikhe mainou soupfüyu vah thaifüa nenou puletaoye sü buu peio.