LOUTAO 60 - SHEEYU BAIBEL (BSI)

Vupa Peio tea Veachi Paoyu

¹ Oh Ramai, nenou Etaoye sü malaiwure, ae Etaoye sü hraongu soupeiwure; nenou Etao pei hi lekha rarou loure, ana chuo Etao hi dakhai vepeio.

² Nenou deiphao sü ngulüre, ae nenou hainasü souphepho khaipeire; chuo tave pepo-a buyu nasü soumu souvei peio, daiolouzü hainasü dehata laire.

³ Nenou nevei maitaoye alaosou souvea peie; nenou Etaoye sü panou zhaoh sozhi-a laiyu maili büa chaorara tare.

⁴ Neye tsükhoua buyu maitaoye sü panou hakatayu hinou tureipa loure donou nenou puletao hisü paopi peie.

⁵ Nevei khouko sünou Etaoye khailupa peio; nenou leshi-a buyu maitaoye sü panou turei paloure donou Etao vei veachi sü keinou peio.

⁶ Ramai nou puhvei sheeyu buh hinou haibüa paoe, “Veilouyu hisünou Enou Shekem nuhdu nasü delaiwulai, ae Sukhoth deikho nasü avei maitao hi zhipeilai.

⁷ Gilead hai avei baie, ae Manassah haina-a avei baie; Ephraim hai avei peirüe ae Judah hai avei süüpo-e.

⁸ Moab hai Enou poa dzükhüyu reikhao nasüe, Edom hai avei baie touyu shee soungaore donou avei phikha khailai. Philistin teidei hinou Enou veilou ngalouyu nasü shapaolai.”

⁹ Oh Ramai, thaonou Eye veisho-a soukhai touyu nuhdu hisü save peilaige? Thaonou Eye Edom hi sapoa vepeilaige?

¹⁰ Nenou Etaoye sü malai chekhao revu? Ne Etao vei soureih maitaoye koa tapu peilai modou?

¹¹ Ngaoba maitaoye duloure donou Etaoye soukha peio, daiolouzü deiphao maivei soukha peiyu haiolouzü hamako baie.

¹² Ramai nou Etaoye kozho peiyu thaio Etao nou kolou süe, puhnou Etaoye ngaobayu maitaoye sü soukanghi peilai.