LOUTAO 56 - SHEEYU BAIBEL (BSI)

Ramai ye Louche-a Veachi Paoyu

¹ Oh Ramai, Eye zhuvea peio, daiolouzü Eye sü mainou dukoute-a baire; ngaobayu maitao nou Eye sü souvea souchoro pei koute-a bubaire.

² Eye sü ngaoba maitao nou taidei sasa khaiwulai tea bukoute-a baire. Eye soureih souyu mai hai alao soumoa buloure.

³ Khoukhoulai Mapaowo, Enou ngaopiyu phaki, Enou neye sü lülouchewe.

⁴ Enou Ramai ye lülouchewe ae ngaopiyu sü ha-e; puhnou apaopei khaitouyu donou Enou puhye paoshowe. Kezhe pfüyu mai ali nou Eye dai soupei lousüe?

⁵ Eye ngaobayu maitao nou teithetsü Eye souvea peia bue, puletao nou Eye soushi peilai tea teile busasü tsüchoda-a laiwe.

⁶ Puletao nou Eye southalai tea tutsüloua nou Eye dakou dakhe-a laiwe.

⁷ Oh Ramai, puletao nou vah ashi souyu thaifüa puletaoye sü tudee peio, nevei lekha rarou hisü nou puletaoye sü soukanghi peio.

⁸ Enou daizhou koute veaho-a nou bue touyu sü nenou süwe, Enou ngheidzü kouyu khesü nenou ngaowe. Sükhesü nevei larübvü hi rüthou khaitou movu?

⁹ Enou neye kuyu phaki, avei ngaoba maitao hai tukhaita bailai. Enou hai nasü süwe, süolouzü Ramai nou Eye thaiko peilai.

¹⁰ Ramai Mapao nou paohpei khaitouyu donou Enou puhye sü paoshowe.

¹¹ Enou puhye sü louchewe, ae haliro Enou ngaopi laimoe. Kezhe pfüyu mai ali nou Eye dai soupeilou süyu buge?

¹² Oh Ramai, Enou apaokhai touyu thaifüa neye posheela peilai, Enou neye kalo paoyu nasü avei posheela soua ne hi popeilai,

¹³ daiolouzü nenou Eye athai hinou khailupa peie, ae Eye panou hraongu nasü ngaomoe. Südonou Ramai vei nghoujü hinou, hria buyu maitaoye ava va peiyu buh hinou Enou talai.