LOUTAO 52 - SHEEYU BAIBEL (BSI)

Dayu Maitaoye Ramai nou Chikure

¹ Aduso maitaore, neletao vei ashi hisünou daidonou neletao hai khaophu sü souwe? Ramai vei chilee checheyu hai-o akhai ha-e.

² Neletao hai maiye soushire donou tsüchoda-a bubaiwe; neletao vei mali hai kaiti heivei shoyu ali büe, teile busasü dakhokho-a lai baie.

³ Neletao hai aveih na jünou ashi naye leshipure, ae checheyu na jünou dayu na-a jüpa pure.

⁴ Dayu maitaore, neletao hai neletao vei chipao lako nasü nou maiye zhizhu peiyu hai jüpawe!

⁵ Südonou neletaoye sü Ramai nou teisa nou souha khailai; puhnou neletaoye sü neletao vei ki hinou süthai paloua paide paisasa khaiwulai; ae neletaoye hriyu maivei teidei hinou polaiwulai.

⁶ Acheche maitao nou haisü ngaoloua ngaopilai, süthaisü puletao nou neletaoye konüa haibüa paolai,

⁷ “Zhukhaio, Ramai ye louche moa lah puhvei kinangi taoye loucheyu ae vah ashi souyu hinou baibu soua buyu mai nasü hainare.”

⁸ Ana Ewo louzü Ramai vei ki hinou paopayu oliv süübe büwe; Enou Ramai vei tobai soumoa leshi peiyu nasü teisa nou louchewe.

⁹ Ramai, Enou neye sü teisa nou paosholai, daiolouzü nenou soupeilai touyu vah hasotao donou; nevei maitao vejüa buyu hrohinou Enou nevei aveih nasü shapaolai.