LOUTAO 43 - SHEEYU BAIBEL (BSI)

Vakou Teidei hinou Buyu Mainou Veachi Paoyu

¹ Oh Ramai, Eye kao baie tea paopeio, ae razhai loumoyu maitao hinou avei kaozü khesü vupeio, dayu maitao ae mai ashi maitao bah hinou Eye vupa peio.

² Eye vupa-apeio nasü ne baie; ne daisounou Eye thaokhaiwe? Daidonou zhaipou shiyu ngaoba maitao bah hinou Eye panou veahosho-a nou buwe?

³ Nevei ava ae cheche nasü seive peio; sühai nou pa Eye süthaisa-a tapeio ae Eye sapoa ve nevei sheeyu deichi Zion hisü vepeio, ae nenou hrüyu nevei Rathoki hisü ve peio.

⁴ Süthaisü Enou nevei posheelabu hi velai, Oh Ramai; Enou savayu ngaore sü ne hinou baie. Enou gaigou ae lanabvü sü kalai ae neye lou sousholai, Oh Ramai, Avei Ramai.

⁵ Daidonou E leveawe? Daivanou E hai veahosho-a nou buge? Avei areih nasü Ramai hinou bua bailai, ae Eye khailupa–apeio avei Ramai ye Enou paoshopu laihie.