LOUTAO 3 - SHEEYU BAIBEL (BSI)

Soukha Peire donou Shona Paoyu Veachi

¹ Oh Mapaowo, Eye zhuba ngaobayu mai alaosou buloure, mai alao Eye hraiyu mai soutare!

² Avanou puletao nou haibüa phakua bure: “Ramai nou puhye soukha peilai moe.”

³ Ana Oh Mapaowo, ne sü teisa nou kaozhou ashi daolaiyu phaki avei rü soupeie. Veilou ngalouyu sü nenou ahi peie, nenou ale soudu dakhai peie.

⁴ Soukha peire donou Enou Mapao ye kue, ae puhnou puhvei sheeyu deichi hinou khü peie.

⁵ Enou dazü tae ae zhitare, alia kheimathe Mapao nou Eye vupeie.

⁶ Eye sühao-a buyu avei zhuba-ngaobamai thethe buyuma Enou ngaopi moe.

⁷ Tave peio, Oh Mapao! Eye khailupa peio, Oh avei Ramai! Nenou avei ngaobayu maitaoye tudee peie, alia Eye souvea more donou puletao vei khouko sü souha peie.

⁸ Veilouyu hai Mapao hinou ve-e, puhnou puhvei maikhe maiye shiha peiyu sü soulo theo.