LOUTAO 29 - SHEEYU BAIBEL (BSI)

Teikhai Teirü Hrohinou Mapao vei Paikho

¹ Mapao ye paosholo, rakiva maitaore; puhvei kathe ae khouko sü paosho khaio.

² Mapao vei zhih aveih nasü paosholo; Masheeo veyu phaki puhye nakou khurüa tholo.

³ Mapao vei paila hai zaidu hinou chouwe, dusoyu Ramai nou teisüyu büa bue, ae puhvei paikho hai zaidu pei hinou büpoa tawe.

⁴ Mapao vei pai hai khouko busho-e; puhvei pai hai aveih ae aduso zhai lousho-e.

⁵ Mapao vei pai kho nou sedar süübe, Lebanon hi buyu sedar süübe koute-e souchalou baiwe.

⁶ Puhnou Lebanon hi deichitao hai panou chotoutu büa cho-a baiwe, ae Harmon Deichi hai nahleyu chode büa panou taloua baiwe.

⁷ Mapao vei paikho nasü nou pa tei reivava paloua baiwe.

⁸ Mapao vei paikho sünou radeiki sü soulü lou-a baiwe, puhnou Kadesh radeiki hai soulü peie.

⁹ Mapao vei paikho sünou phesüübe khesü soulü loua baiwe, ae süünghou khesü hülai khaiwua panou sakhai-a bu baiwe, ae puhvei Rathoki hinou maikhe mai nou haibüa sha bue, “Mapao ye panou aveih aduso nasü soulo!”

¹⁰ Mapao nou zaidu pei hinou khosa-a nou bue, puhnou teisa veo sü soua khosa-a hrülai.

¹¹ Mapao nou puhvei maitao hi pfüchi sü peie, ae kaonayu sünou puletaoye ha peie.