LOUTAO 24 - SHEEYU BAIBEL (BSI)

Dushoyu Veo

¹ Teideiphao ae sühinou hrüyu hrülai hai Mapao vei baie, deiphao ae sühinou buyu veishi hai puhvei baie.

² Puhnou sünasü zaidu pei hinou soushu peie, ae zaidzü khevei nou beikhei nasü soushu peie.

³ Thaonou Mapao vei deichi vasü taopalai? Thaonou puhvei sheeyu Rathoki hisü talou laige?

⁴ Phibah sheeyu mai, ae tsüle sheeyu maitao, basharataoye thomoyu maitao, moyuma da-a nou chaachou soumoyu maitao noulai.

⁵ Mapao nou puletaoye sü shiha peilai ae khailupa peilai, Ramai nou puletaoye chechewe tea paopeilai.

⁶ Sübüyu maitao nou Ramai hisü velai, sübüyu maitao nou Jakob vei Ramai nghoujü hinou bulai.

⁷ Rokhu bomütao sü houpei khaio, daoh maivei kikhutao sü houpei khaio, dushoyu veo sü velou laire.

⁸ Dushoyu veo sü thaoge? Puh sü Mapao-e, khouko abuwo, soureih veilouyupu Mapao-e.

⁹ Rokhu bomütao houpei khaio, daoh maivei kikhutao sü houpei khaio, dushoyu veo sü velou laire.

¹⁰ Dushoyu veo sü thaoge? Veilou ngalouyu Mapao puh hai dushoyu veo nasüe.