LOUTAO 23 - SHEEYU BAIBEL (BSI)

Mapao hai Etao Zhaokhopue

¹ Mapao hai avei zhaokhopue, Enou jüpayu teitei sü buche-a baie.

² Puhnou Eye pou dai veiyu buh hinou pa sochaoloue, ae Eye dzü veishoa buyu hisü save peie.

³ Puhnou ahi pfüchi thou peie. Puhnou paohpei khaitouyu thaifüa Eye checheyu ludu hinou süthaisa-a tapeie.

⁴ Enou thaire vei teimai teizhi hinou ta-a buyuma, E ngaopi laimoe, Mapaowo, daiolouzü nenou Eye koa salai peie. Nenou poa zhaotu khoyu süüpo ae süüru nasü nou Eye vupa peie.

⁵ Eye ngaobayu maitao nghoujü hinou nenou Eye panou khonüh nüre donou souda khaipeie, nenou Eye sü tsükhou shoyu mai ali büa sühpeie, ae avei pai sü laphoutao peie.

⁶ Checheyu nevei leshi ae zhuvea nasü teisa nou avei hrümai hisü bukoutelai ae nevei ki hinou avei hrümai teitei hrüa bulai.