LOUTAO 15 - SHEEYU BAIBEL (BSI)

Ramai nou Jüpayu Zhai-hrü

¹ Oh Mapaowo, kabüyu mainou nevei Rathoki hisü taloulai? Thaonou nevei sheeyu Zion deichi hinou neye tholaige?

² Hateitei hinou Ramai vei chi züyu mai, ae teisa nou acheche vah souyu mai, checheyu chi paoyu mai, ae tsüle sheesha teanou hrüyu mai,

³ alia maiye paoshi moyu mainou, puhvei samai khamai hi kaomo zümoyu soumoyu mai, mokhaia puhvei kinapa hi zhaochi paota moyu mai,

⁴ Ramai nou malaiyu maiye aetou moyu mai, ana Mapao vei chi züyu maiye tsükhou peiyu mai noulai. Puletao hai lah nou paokhai touyu nasü liche-a soupeiwe, tateimo deinou tateiyuma soupeiwe.

⁵ Puletao hai maiye pousha vea lia pomoa poupao peiwe, mah hayu mai hi zhopao ashi soure donou seihla peia zülou hoe. Haibüa nou soupfüyu maitao hai teisa nou kaozhou vei-a bailai.