LOUTAO 149 - SHEEYU BAIBEL (BSI)

Paoshoyu Lou

¹ Mapao ye paosholo! Mapao ye lou ashu nou sousho peikhaio; puhvei chilee checheyu maitao nou vejüa buyu hinou puhye paosho khaio!

² Israel maiye panou puletaoye Sou-apeio donou asalo; Zion hi maitaoye panou puletao vei veo donou lesalo!

³ Puletaoye panou puhvei zhih hinou asashoa chopoa nou paosholo; khubvü ae gaigou da-a puhye paosho khaio.

⁴ Mapao nou puhvei maitaoye donou savawe; puhnou tainou soua laiyu maitaoye veilouyu nasü peia panou tsükhou peie.

⁵ Ramai vei maitaoye panou ngalouyu donou asalo, ae lesa shopoa nou kheimathe sü panou lou soukhaio.

⁶ Puletaoye panou shura soupoa Ramai ye paosho khaio, ae hei veishoyu khoche sü puletaoye panou poloua

⁷ tyahrü kukheye sü hraongu soupei khaio ae maikhe maiye tudee peikhaio;

⁸ puletao vei vemai taoye sü panou hurai nou phulo, puletao vei süthai-apei maitaoye hurai nou phupeio;

⁹ ae Ramai nou kharochi peikhai touyu büa tyahrütaoye tudee peio. Haibüa Ramai vei maitao nou veiloulai. Mapao ye paosholo.