LOUTAO 142 - SHEEYU BAIBEL (BSI)

Soukha Peio tea Veachi Paoyu

¹ Oh Mapaowo, Eye soukha peio tea ne hinou khowe; Eye zhuvea peio tea ne hi paowe.

² Enou vamoyu veishi sü ne hi paongao-e; avei veahoyu teitei ne hi paowe.

³ Enou chathai ta-a bailaire tea buyu phaki, puhnou Eye panou daisoulai touyu nasü süwe. Enou tayu ludu hisü, Eye ngaobayu maitao nou shorüh southou peikhai toue.

⁴ Enou zhu haoveyu phaki, mailia Eye soukha peire mai sü ngaomoe, mailia Eye vupeire mai sü hare. Eye donou tea mailia zhuvea peia lüpeire mai sü hare.

⁵ Oh Mapaowo, Enou kra-a ne hinou soukha khowe; Eye vupa-apeio nasü Mapaowo, ne baie; avei hrümamai hi jüpayu hai ne likhei baie.

⁶ Enou kra-a soukha khoyu avei pai sü kei peio, daiolouzü Ewo veahoyu nou akhai hi kou loure. Eye ngaobayu maitao hinou vupa peio; daiolouzü puletao hai ajünou khoupu shohie.

⁷ Eye veaho-a buyu hinou popa peio; süthaisü Enou neye maisou nou vejüa buyu hrohinou paosho peilai, daiolouzü nenou Eye zhuvea leshi shopeie.