LOUTAO 136 - SHEEYU BAIBEL (BSI)

Kalo Paoyu Lou

¹ Oh Mapaowo hi kalo paokhaio, daiolouzü puh hai veishoe; puhvei leshiyu hai akhai hae.

² Rah veishi pei hinou dukayu puhye kalo paokhaio, puhvei leshiyu hai akhai hae.

³ Paopu hrülai jünou khoukayu puhye kalo paokhaio, puhvei leshiyu hai akhai hae.

⁴ Puh likhei dushoa khupayu vah haso khesü soua baie; puhvei leshiyu hai akhai hae.

⁵ Puhnou raki khesü puhvei tsüdo aveih hinou souloue; puhvei leshiyu hai akhai hae;

⁶ Puhnou deiphao hai zaidu pei hinou soushu peie; puhvei leshiyu hai akhai hae.

⁷ Puhnou khouh teinghi soupeie; puhvei leshiyu hai akhai hae;

⁸ teinghei panou hea ki kho peie; puhvei leshiyu hai akhai hae;

⁹ khouh ae vutao hai panou kheiki bure donou soupeie, puhvei leshiyu hai akhai hae.

¹⁰ Puhnou Ejipt hi nah nakou raikayu mai hrülaiye southa khai toupeie; puhvei leshiyu hai akhai hae.

¹¹ Puhnou puhvei maitao hai Ejipt hinou sapoa papeie; puhvei leshiyu hai akhai hae;

¹² khoushoyu puhvei bah nou Israel maiye süthaisa-a papeie; puhvei leshiyu hai akhai hae.

¹³ Puhnou Zai Ho nasü ahai soua dadepeie; puhvei leshiyu hai akhai hae;

¹⁴ puhnou sühinou puhvei maitaoye süthaisa-a koupeie; puhvei leshiyu hai akhai hae;

¹⁵ ana puhnou Ejipt hi veo ae puhvei reihmaitao hai dzü nou maotha peie; puhvei leshiyu hai akhai hae.

¹⁶ Puhnou puhvei maitaoye rekou radeiki hinou süthaisa-a tapeie; puhvei leshiyu hai akhai hae.

¹⁷ Puhnou khouko bushoyu veo maitaoye southa peie; puhvei leshiyu hai akhai hae;

¹⁸ Puhnou zhih tashoyu veo maitaoye southa peie; puhvei leshiyu hai akhai hae;

¹⁹ Amor maivei veo Sihon ye southa peie; puhvei leshiyu hai akhai hae;

²⁰ Bashan hi veo Og ye southa peie; puhvei leshiyu hai akhai hae.

²¹ Puhnou puletao vei teidei sü puhvei maitao hi peie; puhvei leshiyu hai akhai hae;

²² puhvei kilai Israel maitao hi teidei sütao sü peie; puhvei leshiyu hai akhai hae.

²³ Etao nou hraongu ngao-a buyu phaki puhnou Etaoye thaongai peimoe; puhvei leshiyu hai akhai hae;

²⁴ Etaoye ngaoba-a buyu maitao hinou puhnou etaoye vupa peie; puhvei leshiyu hai akhai hae.

²⁵ Puhnou hria buyu hrikhaona hrülaiye sü touso peie; puhvei leshiyu hai akhai hae.

²⁶ Raki vanou buyu Ramai ye kalo paokhaio; puhvei leshiyu hai akhai hae.