LOUTAO 13 - SHEEYU BAIBEL (BSI)

Soukha Peio tea Veachi Paoyu

¹ Ne Eye teile kaso ngaiwua bulaige, Oh Mapaowo? Teisa nou ngai-a bailaiwu? Ne ahinou teile kaso tutsüa bulaige?

² Teile daisoa Eye panou ale vea-a teithetsü tsü chopa louhoa bulai? Teile kaso Eye ngaobayu maitaoye panou ajünou koloua bulai?

³ Oh Mapaowo, avei Ramai, Eye zhupeio alia Eye chila peio. Eye khouko peidakhai pupeio; Eye panou thaitaso.

⁴ Eye ngaobayu maitaoye panou “Enou puh jünou veiloure” tea panou paoso. E kaodu tayu donou puletaoye panou asayu sü soupeiso.

⁵ Enou nevei zhuvea leshiyu nasü louchewe; Enou asa-a bulai, daiolouzü nenou Eye khailupa peie.

⁶ Oh Mapaowo, Enou neye lou sousholai, daiolouzü nenou ahi veihsho peiwure.