LOUTAO 129 - SHEEYU BAIBEL (BSI)

Israel maiye Ngaobayu Maitao donou veachi paoyu

¹ Oh Israel maitaore, ngaobayu maitao nou kabüa neletaoye nahle-a bukinou chu koute hai souvea sho peie touyu khesü etao hi paongao khaio.

² “E nahle-a bukinou, eye ngaobayu maitao nou zhaipou shishoa souvea shopeie, ana puletao nou ajünou veilouyu sü soumoe.

³ Tatayu mainou dou shayu büa puletao nou aphao vasü zhimü thoushoa nou soupa peie.

⁴ Ana checheyu Mapao nou Eye maivei qila soua buyu hinou pa lahdo soupeie.”

⁵ Zion ye ngaora-a buyu mai hrülaiye sü hraongu soupeio ae hulai peio.

⁶ Puletaoye sü panou kiphao hinou paopayu pounghou ali büa duso paloumo jünou phuthayu büa phutha peio.

⁷ Sütao hai mai linoua pojükhai tumoe, moyuma phujüloua pota chamoe.

⁸ Mai linoua puletaoye panou haibüa paopeiso; “Mapao ye panou neletao ha peitheo! Etao nou neye Mapao zhih hinou shiha peiwe.”