LOUTAO 128 - SHEEYU BAIBEL (BSI)

Mapao vei Chi Züyu vanou Buu Ngaoyu

¹ Savayu maitao hai Mapao chi züa buyu maitao, ae puhvei chikhatao hinou hrüa buyu maitao-e.

² Nevei terou vanou ne hai toua nou hrülai, nenou süna vanou savayu sü ngaolai, ae kaozhou vei-a hrülai.

³ Ne chapfü nou ne ki hi hai darkhabe ali nou shiveih sho-a shipeiyu bülai, ae nevei nahmaitao hai nenou buyu buh hinou oliv süübe nou veisho-a botao lapayu bülai.

⁴ Mapao vei chi züa buyu maitao hai haibüa shiha sü ngaolai.

⁵ Mapao ye panou neye sü Zion hinou ha peio! Nevei hrümamai veishi hinou Jerusalem hai panou sava-a buyu sü ngaolo!

⁶ Neye panou nevei tyaomai nahmaitao koa buyu sü ngaolou theo! Israel maiye panou kaonayu sü ngaolo!