LOUTAO 126 - SHEEYU BAIBEL (BSI)

Vupa peire donou veachi Paoyu

¹ Mapao nou Etaoye Jerusalem hi sa-a dakhai vepeiyu phaki, haisü zhiho mekou büa baie!

² Etao hai savayu nou phoutao-a nou nüe, ae lou sou-e! Süthaisü tyahrü kukhe maitao nou haibüa etaoye paoe, “Mapao nou puletao donou dushoyu vah haso sü soupeie.”

³ Cheche vuzünou puhnou etaoye donou dushoyu vah khesü soupeie; etao hai lesa shore.

⁴ Oh Mapaowo, teirü koupeiyu phaki, the-a buyu reitao hai dzü chalouyu büa savayu nasü Etao hi dakhai peipu peio.

⁵ Nghidzü kou-a taimou vuthou khaitouyu maitaoye sü panou asah soua chachi louyu sü soupeio.

⁶ Thoutai vuthoure donou kra-a taimou potayu maitao hai sasho-a nou chachi poa ki hisü velai.