LOUTAO 125 - SHEEYU BAIBEL (BSI)

Ramai Vei Maitao donou Kaozhou Aveih

¹ Mapao ye lüa louche-a buyu maitao hai Zion Deichi büwe, süna hai soulü louhoe, ae teisa nou bukoute-a bailai.

² Jerusalem hai deichi nou sühao-a buyu büa Mapao nou puhvei maitaoye sü teisa nou sühaopoa nou bue.

³ Mai ashi maiye panou mai aveih mai hi peikhai touyu teidei hisü phateile sho-a nou khasa-a bulai moe, hakinou puletao nou teile sho-a nou khasa-a bure toulouzü checheyu maitao hai vah ashi khesü souta shulai.

⁴ Oh Mapaowo, mai aveih maitao hi, ae nevei chikha züa buyu maitao hi haveih khesü soupeio.

⁵ Ana nenou mai ashi maitaoye tudee peiyu phaki, nevei ludu hinou tamoa buyu maitao-a tudee peio. Israel maitaoye sü panou kaona-a bulo!