LOUTAO 124 - SHEEYU BAIBEL (BSI)

Puhvei Maitaoye vupa-apeio Ramai

¹ Mapao nou Etaoye kozho peimoyu thaio, Etao daipha soulai? Israel maitaore, chila peikhaio!

² “Mapao nou etaoye kozho peimoyu thaio, Etaoye ngaoba maitao nou duveyu phaki,

³ Etaoye sü puletao vei lekha rarou teitei hinou hria zhaoloua bailai;

⁴ süthaisü Etaoye sü dzüdu veyu phaki dzü nou dupoa paolouyu büa bailai,

⁵ Etaoye sü dzü nou maotha bailai.”

⁶ Etaoye ngaobayu maitaoye panou etaoye soushi souha moyu donou Mapao kalo paolai khe.

⁷ Raohou rüh southouyu maitao hinou tupa louyu raohou ali büa Etao hai turei paloure; rüh nasü detare, ae etao hai lahdo souloure.

⁸ Etaoye soukha peiyu hai raki ae deiphao sou-apeio Mapao hinou vewe.