LOUTAO 122 - SHEEYU BAIBEL (BSI)

Jerusalem ye Paoshoyu

¹ Puletao nou ahi haibüa paoyu phaki E lesa sho-e, “Etao Mapao vei ki hi velai khe.”

² Ae chuo Etao nou hai hi bure, Jerusalem vei rokhubomü khevai nou la-a nou bure.

³ Jerusalem hai hüvei sho-a nou ae zhai loutou toua nou soushukhai touyu nuhdu ali-e.

⁴ Nuhdu hai hisü tyahrütao nou tave, Israel maivei tyahrütao nou tave Mapao nou peikhai touyu chikha thaifüa puh hi kalo paowe.

⁵ Hai hinou Israel maivei veotao nou puletao vei maikhe maiye chiku peie.

⁶ Jerusalem hi panou kaona-a buloure donou veachi paopeio: “Neye leshi-a buyu maiye sü panou sava-a bulo.

⁷ Nevei kivo khevai nou buyu maitaoye panou kaona-a bulo, ae nevei vemai ki hinou hrüyu maitaoye panou zhoukao vei-a hrülo.”

⁸ Avei kityarai ae samaitao donou Enou Jerusalem hi haibüa paoe, “Kaonayu nasü ne hi bulo.”

⁹ Etao Ramai Mapao vei ki na donou neletaoye panou sava-a bupeio tea Enou veachi paoe.