LOUTAO 121 - SHEEYU BAIBEL (BSI)

Mapao hai Etaoye Vupa-apeio Nasüe.

¹ Enou deichi khesü zhu-e; daikinou Eye soukha peire nasü velai?

² Raki ae deiphao soupeiyu Mapao hinou Eye soukha peiyu sü velai.

³ Puhnou neye sü panou kaodu talai moe; neye vupa-apeio nasü tsürei-a bukoute-a baiwe.

⁴ Israel maiye kho-apeio pusü zhinü khaichamoe ae zhikhai timoe.

⁵ Mapao nou neye sü kho peilai; puhnou neye salai peilai ae vupa peilai.

⁶ Teinghei nou neye heaki soushi peilai moe, moa khei teile hi khouh nou neye soushi laimoe.

⁷ Mapao nou neye kaozhou ashi teitei hinou vupa peilai; puhnou neye sü khosa-a laipeilai.

⁸ Nenou tapa talouyu veishi sü Mapao nou chunou poa akhai koute hai khosa-a tapeilai.