LOUTAO 120 - SHEEYU BAIBEL (BSI)

Soukha Peio tea Veachi Paoyu

¹ E veahoyu phaki, Enou Mapao ye sü ku-e, ae puhnou Eye chila peie.

² Oh Mapaowo, Eye dayu maitao ae shodo ashi souyu maitao hinou khailupa peio.

³ Dayu maitaore, Ramai nou neletao hi dai soupei laisa? Puhnou neletaoye kabüa tudee peilaisa?

⁴ Puhnou neletaoye sü reihmai nou voulouthou pei southou tsüphi touyu nasü nou peilai, ae meithou deithou homara khaitouyu nanou peilai.

⁵ Neletaoye koa buzhoyu hai Mehesh hi bushiyu büa bushi-e, ae Kedar maiye sa-a chorosoua buyu büa bushi-e.

⁶ Teile taoli hai Enou kaonayu naye ngaorayu maiye koa bure.

⁷ Enou kaonayu paopeiyu phaki, puletao hai soureih soulai tea baire.