LOUTAO 12 - SHEEYU BAIBEL (BSI)

Soukha Khoyu Veachi

¹ Etaoye soukha peio, Mapao! ae aveih mai ali koutea hare; le sheesha touyu mai hai ngaolou hore.

² Mai hrülai hai ali nou ali hi müvei müthea nou dahrü hrüa lalu va-a baire.

³ Oh Mapaowo, müvei mütheayu mali khesü souha peio! haibüa nou khaophou chi paoyu mü khesü souha peio:

⁴ “Etao vei chipao lako nou Etao nou jüpayu na khesü ngaolou süe. Etao nou chi paonüyu khesü paolai, ae mai linoua Etaoye sü nulou hoe.”

⁵ “Ana chuo Enou velaire,” tea Mapao nou paoe, “daiolouzü touhayu maiye sü souvea peia baire, ae mainou souchoro peiyu maitao hai lepoa nou bure. Puletao nou jüpa shoa nou reihpoa buyu nasü Enou puletao hi peilai.”

⁶ Mapao nou paopeikhai touyu khesü louche louveie; sütao hai mei hinou pothou dei-a bakha anai koute soushee khaitouyu shahu bütoue.

^7-8 Mai shimai hai buh veishi hinou buloure, ae mai hrülai nou vah ashi khesü paosho-a bubaire. Oh Mapaowo, Etaoye panou kaozhou ashi daoso, ae sübüyu maitao hinou Etaoye vupa peio.