LOUTAO 114 - SHEEYU BAIBEL (BSI)

Tachopa Nüh vei Lou

¹ Israel maitao nou Ejipt teidei thaowua tayu phaki, Jakob vei tyaosholea taonou vakou maivei teidei thaowua tapayu phaki,

² Judah hai Mapao vei sheeyu mai soutare, ae Israel maitao hai puhvei navei soutare.

³ Zai Ho nasü puletaoye ngaoloua tutare; Jordan rei hai dzü kümoa chaore.

⁴ Deichi khenou nghitu büa chore; deitao khenou zhaotu büa tei hi zhaopare.

⁵ Oh zaidu nare, ne daisou nou tutawe? Oh Jordan, ne daisounou dzükü moa chaotawe?

⁶ Oh deichi taore, neletao daisounou nghitu büa chowe? Deitao khere, neletao daivanou zhaotu büa tei hi zhaopage?

⁷ Teideiphao hai Mapao nou veyu phaki, Jakob vei Ramai nghoujü nou ngaopi-a ngulo.

⁸ Puhnou chuhdu khesü dzükhao hi soudathou peie, ae chuhlya khesü dzünghou dzüla hi soudapa peie.