LOUTAO 11 - SHEEYU BAIBEL (BSI)

Mapao ye Loucheyu

¹ E Mapao hinou bailouwe. Ne kabüa ahi haibüa paowe, “Raohou büa deichiva zhao palo;

² daiolouzü mai ashi mainou puletao vei voulou sü mai aveih maiye kare donou paipaloua teloure.

³ Ha teitei nou shitayu thaisü mai aveih mainou souloure daie bue.”

⁴ Mapao hai puhvei sheeyu rathoki hinou bue; puhvei vebuh sü raki vanou bue. Puhnou deiphao mai hrülaiye sü zhuwe ae puletao nou soupfüyu veishi sü süwe.

⁵ Puhnou checheyu maiye sü zhupeiwe; ana mai ashi ae züveiyu jüpayu maiye sü ngaora shoe.

⁶ Puhnou maishi mai hisü meithou nou rükou peilai; meikei vei teikhai sünou seive puletaoye sü tudee peilai.

⁷ Mapao hai cheche-e ae vah aveih souyu maiye sü leshi-e; acheche mainou puhvei nghoujü hinou bulai.