LOUTAO 1 - SHEEYU BAIBEL (BSI)

LARÜBVÜ ARAINA ( Lou 1—41 ) Acheche vei Asah

¹ Mai ashi mainou tsü doupeiyu hi tamoyu mai, mah maitao hrü ludu thaipfü moyu mai, moa Ramai ye samoyu mai buh hi bumoyu mai hai rako veie.

² Ana puletao vei asah hai Mapao vei chikha züyue, alia puletao hai heamajü ae kheimathe sünaye lichoa bue.

³ Sümaisü reipe hinou shokhai toua teile teitei hinou rashithou shiyu, ae puhvei nghoua paikhai moyu süübe kheihao-e. Puletao nou hatali souyuma pah veilai.

⁴ Anou mai ashi maitaowo sübülai moe; puletaowo teikhai nou hüpoa tayu thouba büa bailai.

⁵ Südonou mah mai hai chikuyu teileki lalou laimoe, moa mah mai hai acheche mainou me souyu hi bulai moe.

⁶ Acheche maiye sü Mapao nou süthai peilai alia vupeilai, ana ashi soua laiyu maiwo hakare ludu hinou ta-a bue.