JOSHUA 19 - SHEEYU BAIBEL (BSI)

Simeon Maivei Teidei

¹ Ahai chena soua Simeon maikhü donou rako zhuyu phaki, puhmai kihikhamai thaifüa puhle vei teidei hai Judah maiye peikhai touyu deiraih hi koute.

² Puletao vei teidei hai Beersheba, Sheba, Moladah,

³ Hazarshüal, Balah, Ezem,

⁴ Eltolad, Bethul, Hormeh,

⁵ Ziklag, Bethmar-kaboth, Hazarsüsah,

⁶ Bethlebaoth, alia Sharühen - puhle vei nuh sütao hai kiasüe.

⁷ Süthai-a Aim, Rimmon, Ether alia Ashan - nuh sütao hai adaie.

⁸ Sütao hai Negeb hinou buyu Ramah, Baalathbeer hilo koute-e, süpehao hi buyu nuhdu teitei nou lou-e. Haitao hai Simeon maivei kaalo soua nou puletao ye peiyu teidei taoe.

⁹ Simeon maivei teidei hai Judah maiye peiyu teidei hi kouloue, daiolouzü Judah maiye peiyu teidei hai puletao ye donou dushoyu donou, Simeon maiye puletao dei hinou depeie.

Zebulun Maivei Teidei

¹⁰ Asü chenasoua Zebulun khüye deih depeie. Puletao vei teidei hai Sarid hi koute-e.

¹¹ Süthaisü deiraih hai teinghi loulova kouloua Mareal hi koute-e, sühinou Dabbesheth hilo dailoua Jokhneam vei teinghi palo buyu reitou hi kouwe.

¹² Sarid hinou teinghi palo hrisakou Khristoth-tabor deiraih hi koute-e; sühinou poa Deberath hi kouloua nou Japhia hi khete-e.

¹³ Sühinou teinghi palo buyu Geth-hepher, Eth-kazin alia Rimmon hilo poa kouh Neah hilo hriloue.

¹⁴ Süthaisü reilo vei deiraih hai Hannathon haopoa kouh Iphtahel deikho hinou kouh khaisoue.

¹⁵ Sütao hai Kattath, Nahalal, Shimron, Idalah, alia Bethlehem taowe - puletao vei nuh hai kiahaie.

¹⁶ Nuh haitao hai Zebulun kikhamai thaifüa peiyu taoe.

Issakar Maiye Peiyu Teidei

¹⁷ Adai nasoua rako zhuyu hisü Issakar khüye donou pare.

¹⁸ Puletao vei soua ngaolouyu teidei taohai - Jezreel, Kesuloth, Shunem,

¹⁹ Hapharaim, Shion, Anaharath,

²⁰ Rabbith, Kishion, Ebez,

²¹ Remeth, Engannim, Enhaddah, Beth-pazzez;

²² Deiraih hai Tabor, Shahazümah, alia Beth-shemesh hia kou daie, alia deiraih hai Jordan rei hinou kouh khai soue. Sütaohai nuh kiarou-we.

²³ Teidei haitao hai Issakar kihikhamai thaifüa kaalo ngaolouyu nuh taoe.

Asher Maivei Teidei

²⁴ Angou chenasoua rako zhuyu hisü Asher maikhü ye donou popaloue.

²⁵ Puletao vei teidei taohai - Hellkath, Hali, Beten, Achshaph,

²⁶ Allammelek, Amad, alia Mishal; teinghi loulova hai Karmel alia Shihor Libnath hi kou daie.

²⁷ Süthai hai teinghi palo hripoa Bethdagon hi koue, alia Zebulun, Bethemek alia Neiel vei reilo vanou buyu Iphtahal deikho hi khedaie; süthai-a reilo khe Kabul,

²⁸ Ebron, Rehob, Hammon, Kanah, alia Duyu Sidon hi khete-e.

²⁹ Süthaisü puhle vei deiraih hai Ramah hilo dakhai kouh loua chuh nou khohao khaitouyu Tair nuhdu hi khe-e; sühinou deiraisü dapoa Hosah hi koue, alia kouh Zhai du hinou akhai soue. Nuhdu sütao hai Mahalab, Achzib,

³⁰ Ummah, Aphek alia Rehoh - nuh sütao hai kiahai-e.

³¹ Haitao hai Asher khüye puhle kihikhamai thaifüa peiyu kaalo taoe.

Naphtali Khü vei Teidei

³² Rako zhuyu vu arou nahai Naphtali khü donou pae, puhle khü hi kiphao buyu thaifüa kaalo sü peie.

³³ Puhle vei deiraih hai Heleph alia Zaananim hinou lahpoa kou vao süübe buyu hi koue, alia Adaminekeb ae Jabneel hinou Lakkum hi koute-e; alia sühinou kouh Jordan rei hinou khaisoue.

³⁴ Süthaisü teinghi loulova dapoa kou Aznoth-tabor hi koue, alia sühinou poa Hukkok hi koue, alia khelo kouh Zebulun dai loua Asher vei teinghi loulova koue, alia Jordan vei teinghi palova buyu Judah hi koue.

³⁵ Reihbu soukhai touyu nuhdu taohai Ziddim, Zer, Hammath, Rakkath, Chinnereth,

³⁶ Adamah, Ramah, Hazor,

³⁷ Kedesh, Edrei, Enhazor,

³⁸ Yiron, Migdalel, Horem, Beth-anath, alia Beth-shemesh - nuhdu sütao hai kiaküe.

³⁹ Teidei haitao hai Naphtali veie, süsü puhle puo tyatao thaifüa ngaolouyu taoe.

Dan Maivei Teidei

⁴⁰ Anai chenasou-a rako zhuyu hisü Dan khü ye donou pae, alia puletao pfümounah thaifüa dei sü zhipeie.

⁴¹ Puletao nou ngaolouyu teidei taohai Zorah, Eshtaol, Irshemesh,

⁴² Sha-a-labbin, Aijalon, Ithlah,

⁴³ Elon, Timnah, Ekron,

⁴⁴ Elte-keh, Gibbethon, Baalath,

⁴⁵ Jehed, Beneberak, Gath-rimmon,

⁴⁶ Mejarkon, alia Rakkon, süsü Joppa vei teidei tao koa louwe.

⁴⁷ Dan mai ye peire teidei chejüyu donou, Dan maitao nou tapa Leshem maiye reih soure, alia puhtao jünou reih veiloua puhmai vei teidei sü poloue, alia Leshem tea kuyu zhihsü puhmai puopao zhih hinou Dan tea saloue.

⁴⁸ Haitao hai Dan khüvei teidei taoe, puletao kiphao buyu thaifüa nou ngaolouyu nuh haitaoe.

Akhai khasoua Zhipeiyu Deitao

⁴⁹ Puletao nou teidei hai dezhilou cheyuthai, Israel mainou puletao vei za hinou Nun nahpoutu Joshua ye dei depeie.

⁵⁰ Mapao nou paohpeikhai touyu thaifüa puhnou khoyu Timnah-erah touyu nuhdu nahai süsü Ephraim maivei deichi hinou buyu nasü puhye peie; alia puhnou nuhdu sünasü soushu puloua nou sühinou hrüe.

⁵¹ Napao Eleazar, Nun nahpoutu Joshua alia Israel mai khü hinou tsüsoua buyu maitao nou Mapao nghoujü nou rako sü Shiloh hinou zhua zhikhai touyu teidei taosü haitaoe. Puletao nou teidei sü hainou zhi cheloue.