ISAIAH 18 - SHEEYU BAIBEL (BSI)Ramai nou Sudan Maiye Tudeire 1 Ethiopia (Sudan) rei alilova buyu, shouh zavüvüyu kho süa buyu teideitao hai daizhou koute vealaisa. 2 Buh sühinou Nail rei hi sakhao saopfüa sühseita maiye panou vewe! Ta veishoa buyu kopomaitao, neletao dakhaiho sah shoyu, zhurao veiyu, hüvei shoa buyu, holo hailo buyu mai hrülai nou ngaopia buyu, soureih veishoa buyu alia reidzü nou küsühao-a buyu tyahrü hisü ko haisü pove peio. 3 Deiphao hi hrüa buyu mai hrülai, keilo! Shee soupeire sahra sü deichi peitao hinou polapa peilai, zhulo! Shabe nghouyu kho sü keilo! 4 Daiolouzü Mapao nou ahi haibüa paoe, “Tei leirei-a buyu phaki teinghi vayu büa alia chachiyu phaki vidzü kouyu büa Enou raki hinou zhukoulai. 5 Chachi loumo jü darkhashi pa raita-a meipayu phaki, Sudan maiye sü ngaoba mainou darkhabo shaodeyu büa talapasoua souhawu bailai. 6 Puletao vei thaiphao khesü daovu peimoa panou raohou ae rekhaona nou toulou bailai. Puletao vei thaiphao khesü raohou khenou teilüki toulai, alia rekhaona khenou teisaiki toulai.” 7 Sübüyu teile veyu phaki Khoukhoulai Mapao nou sah shoyu, zhurao veiyu, hüveih sho-a buyu, holo hailo mai hrülai nou ngaopi-a buyu, soureih souveih shoa buyu, alia reidzü nou küsüho-a buyu tyahrü navei posheela nakhesü poloulai. Puletao nou Khoukhoulai Mapao ye thoyu buh Zion Deichi hisü velai. |
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
Bible Society of India