ISAIAH 12 - SHEEYU BAIBEL (BSI)

Kalo Paoyu Lou

¹ Neletao nou haibüa lou soure teile sü velai: “Oh Mapaowo, Enou nevei kathe sü paolai, Raichokio ne ahi raroue, ana chuo nevei lekha nasü latare, ae nenou Eye souva peie.

² Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

³ Rei-a laimai nou veishoyu dzü ngaoloua asayu büa Ramai vei maitao sü puhnou khailupa peiyu donou asawe.”

⁴ Maikhe mainou haibüa lou souyu teithe sü velai: “Mapao hi kalo paokhaio! Neye soukha peire donou puh zhih kulo! Tyahrü teitei hi puhvei vah haso khesü paongao peikhaio; puh hai daizhou koute due touyu sü paopei khaio.

⁵ Mapao nou soupeikhai touyu vah haso khesü puhye lou nou sousho peikhaio, haisü deiphao mai hrülai hi paosüta peikhaio.

⁶ Zion hinou hrüa buyu mai hrülai pai chi-a lou sü soukhaio, daiolouzü Israel maivei sheeyu Ramai hai due-e, ae puh sü puhvei maitao hinou koa bue.”