HOSEA 3 - SHEEYU BAIBEL (BSI)

Hosea alia Chilee moyu Naotupai

¹ Mapao nou ahie paoe, “Chilee moyu naotupai yesü mainou sapayuma taho leshi pu peikhaio, daiolouzü Israel mainou darkha shinou soukhai touyu raokhaoye jüpa-a rah kukheye thota-a buyuma Enou puletao ye leshi peiyu büa honapaia leshipu peio.”

² Südonou honapaiye sü Enou shahu kiangou ae shithou baoli-da peia hrüda khailoue.

³ Enou honapai hisü paoe, “Teile taoli ne hai avei soua chilee moyu vah sü soulai modao, alia mai kukhe maiveia soulai moe, sübüa E-a nevei soua bailai.”

⁴ Sübüa Israel mainou teile taoli vemai ha-a hrülai, alia rahzhu souloua posheelayu alia chuh shulahloua thoyu sü soulai moe, alia pou-vah soulai moe.

⁵ Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.