1 PUOPAOKO 4 - SHEEYU BAIBEL (BSI)

Judah vei Sholeatao

¹ Judah vei nahpoutu maitaosü haitao-e: Perez, Hezron, Karmi, Hur ae Shobal.

² Shobal hai Reaiah puo-e, ae Reaiah hai nahpoutu Jahath, Ahumai ae Lahad bue. Puletao hai Zorah hi hrüyu puopaoh maitao-e.

^3-4 Hur hai Kaleb chimai Ephrath vei nahpoutu tsükana-e, ae puhvei sholea maitao nou Bethlehem nuhdu nasü soushu-e. Hur hai nahpoutu asü bue: Etam, Penuel, ae Ezer. Etam-a nahpoutu asü bue: Jezreel, Ishma, ae Idbash, alia nahnaotu ali Hazzelelponi tea bue. Penuel nou Geder nuhdu soushue, ae Ezer nou Hushah nuhdu soushue.

⁵ Tekoa nuhdu soushu-apeio Ashhur hai khapfü ahai bue: Helah ae Naarah.

⁶ Naarah vahinou nahpoutu adai bue: Ahuzzam, Hepher, Temeni, ae Haahashtari.

⁷ Helah vahinou nahpoutu asü bue: Zereth, Izhar, ae Ethnan.

⁸ Koz hai Aub ae Zobebah pou-e, alia Aharhel nahpoutu Harum hai puhvei sholea maitao-e.

⁹ Jabez teanou kuyu maipu ali bue, puh hai chinamaitao hrohinou mainou tsükhou kayu nasüe. Puh pfünou puh zhih sü Jabez teanou sapeie, daiolouzü puhye nayu phaki veasho-a nayu donoue.

¹⁰ Ana Jabez nou Israel maivei Ramai hi haibüa veachi paoe, “Oh Ramai, Eye shiha peio, ae avei deirai sü soudu peio! Nenou Eye salai peio, sübüa Eye panou veahoyu ae sounou sü vedaosho!” Puhnou khoyu thaifüa Ramai nou noupeie.

Kukhe Maitao vei Zhih

¹¹ Shuhah thaihou Kaleb hai nahpoutu ali Mehir teanou bue. Mehir hai Eshton puo-e.

¹² Puhnou Bethrapha, Paseah ae Tehinnah puo-e. Tehinnah hai Nahesh puo-e. Puletao hai Rekah nuhdu hi maitao-e.

¹³ Kenaz hai nahpoutu ahai bue: Othniel ae Seraiah tou-e. Othniel-a nahpoutu ahai bue: Hathath ae Meonothai.

¹⁴ Meonouthai hai Ophrah puo-e. Seraih hai Joab puo-e, puhnou shamara souyu na-e. Puletao hai mai hrülai nou shara sousü khaitou-e.

¹⁵ Kaleb nahpoutu Jephunneh hai nahpoutu asü bue: Iru, Elah, ae Naam. Alia Elah hai Kenaz puo-e.

¹⁶ Jehallelel hai nahpoutu adai bue: Ziph, Ziphah, Tiria, ae Asarel.

^17-18 Ezrah hai nahpoutu adai bue: Jether, Mered, Epher, ae Jalon. Mered nou Ejipt hi Pharaoh veo vei nahnaotupai Bithiah nalou-e, ae puhai hai nah naotu ali Mariam tea bue, ae nahpoutu ahai Shammai ae Ishbah tea bue. Ishbah nou Eshtemoa nuhdu nasü soushu-e. Mered nou Judah hi maipfü ali-a naloue, ae puhai hi nahpoutu asü bue: Gedor nuhdu soushu peiyu Jered, Soko nuhdu soushu apeio Heber, ae Zanoah nuhdu soushu peiyupu Jekuthiel haitao-e.

¹⁹ Hodiah nou Naham tupaiye naloue, ae puhai vei tyaosholea maitao nou Keilah nuhdu hinou hrüyu Garmi maityatao, ae Eshtemoa nuhdu hi hrüyu Maakath tyahrü maitao-e.

²⁰ Shimon hai nahpoutu adai bue: Amnon, Rinnah, Ben-Hanan ae Tilon. Ishi-a nahpoutu ahai bue: Zoheth ae Ben-Zoheth tou-e.

Shelah vei Tyaosholea

²¹ Shelah hai Judah vei nahpoutu mai ali-e. Puhvei tyaosholea maitao hai Lekah nuhdu soushu-apeio Er, Mareshah nuhdu soushu-apeio Laadah; Beth Ashbea nuhdu hinou deizüzüyu sah daoyu maitao;

²² Jokim ae Kozeba nuhdu ahai hinou hrüyu maitao; Joash ae Saraph, Moab maipfü maiye naloua Bethlehem hinou hrüyu maitao-e. (Haibüyu zhai hai daoh raichoki vei zhai-e).

²³ Puletao hai veo vei leekhao sou-a Netaim ae Gederah nuhdu hinou hrüe.

Simeon vei Tyaosholea

²⁴ Simeon hai nahpoutu angou bue: Nemuel, Jemin, Jarib, Zerah, ae Shaul.

²⁵ Shaul vei nahpoutu zhih nou Shallum toue, ae puhvei tyao zhih nou Mibsam, ae puhvei sho zhih nou Mishma tou-e.

²⁶ Süthaisü Mishma vanou Hammuel, Zakkur, ae Shimei haitao hai hrüve-e.

²⁷ Shimei hai nahpoutu kiarou bue ae nah naotu-a arou bue, ana puletao hai nahmai poumoe, alia puletao hai Judah kihikha mai büa tyakaa more.

²⁸ David veo vei teile hi koute Simeon vei tyaosholea maitao hai nuhdu haitao hinou hrüe: Beersheba, Molada, Hazarshual,

²⁹ Bilhah, Ezem, Tolad,

³⁰ Bethuel, Hormah, Ziklag,

³¹ Beth Markaboth, Hazarsusim, Bethbiri, ae Shaaraim.

³² Puletao nou Etam, Ain, Rimmon, Tokhen, ae Ashan,

³³ alia süpehao hinou buyu nuhtao hinou poa khekou teinghi loulova buyu Baalath nuhdu hi koute hai puletao nou hrüe. Puletao nou hrüyu nuhtao alia puletao vei puopaoh maitao zhih sü rükhai touyu haitao-e.

^34-38 Khelo nou peikhai touyu maitao hai lahkuku vei khü hi puo tsükhana-e: Meshobab, Jamlekh, Amaziah nahpoutu Joshah, Joel, Jehu (Joshibiah nahpoutu, Seraiah nahpoutu, Asiel nahpoutu), Elioenai, Jaakobah, Jeshohaiah, Asaiah, Adiel, Jesimiel, Benaiah, Ziza (Shiphi nahpoutu, Allon nahpoutu, Jedaiah, Shimri ae Shemaiah vei tyaosholea maitao). Puletao vei kihikhamai hai tyakaa paloue.

³⁹ Puletao nou teinghi loulova buyu Gerer nuhdu hilova hrüpoa tare, alia puletao nou zhaotu khopoa nuhdu süna vei teinghi palova buyu deikho aveih hisü sühaopoa vere.

⁴⁰ Puletao nou teidei veishoyu, kikhaorü panou pou toulou veiyu, teidei kaashoyu, kaonaphi-a buyu sü ngaoloure. Daoh raichoki hai teidei sühi Ham mai nou hrüe.

⁴¹ Reilonou zhih rüpei khaitouyu maitao nou veo Hezekiah nou Judah teidei hi veo sou-a buyu teile hinou Gerer nuhdu hi hrüa buyu Ham maiye reih hulou southa khaiwure, süthaisü puletao nou teidei sünasü poloure, daiolouzü teidei sünasü puletao vei kikhaorü kire füdei hai veisho-e.

⁴² Simeon vei khü hinou mai kaihngou hai teinghi palova buyu Edom nuhdu hisü tare. Puletaoye süthaisa-a tayu maitao hai Ishi nahpoutu Pelatiah, Neariah, Rephaiah, ae Uzziel hai maitao nou-e.

⁴³ Puletao nou turei paloua buyu Amalek maitaoye sü southa khaiwua teidei sühinou zhou koute hrüe.