1 PUOPAOKO 24 - SHEEYU BAIBEL (BSI)

Napao Maitao hi Peiyu Vahtao

¹ Mai me haitao hai Aaron vei tyaosholea maitao-e. Aaron hai nahpoutu adai bue: Nadab, Abihu, Eleazar, ae Ithamar.

² Nadab ae Abihu puhai china hai puo thaimo jünou thaitare, ae nahmai-a ali-a ha-e, südonou puhai thaihou Eleazar ae Ithamar nou napao sü souloure.

³ Eleazar nahpoutu Zadok ae Ithamar nahpoutu Ahimelek puhaiye koa David nou Aaron vei tyaosholea maitao hai puletao vei souyu vah na thaifüa vah zhipeie.

⁴ Eleazar vei tyaonahtao hinou maime kiarou soua dadeloue, ae Ithamar vei tyaonahtao hinou maime acha soua dadeloue. Haibüa daisounou dade zhiwe toulouzü Eleazar vei tyaomai nahmaitao-a maipei pou hie.

⁵ Eleazar vei tyaonah maitao ae Ithamar vei tyaomai nahmaitao hai raibüa rathoki hi peikhomai ae rako hilo süthai-apei mai sü bukhei-e, südonou rako dazhua vah khesü zhipeie.

⁶ Rako dazhuyu hisü Eleazar ae Ithamar vei tyaomai nahmaitao nou reirei po-e. Süthaisü puletao vei zhih hai Levi maivei rü-apeio Nethanel nahpoutu Shemaiah nou rüpeie. Hai khesü David Veo, puhvei peikho maitao, napao Zadok, Abiathar nahpoutu Ahimelek, ae napao maivei kihikha mai hi peikho mai hrülai alia Levi mai hrülai nou shaki sü soupeie.

^7-18 Kiphao kaidai haitao hai shosho nou vah panou soure donou doloue: 1. Jehoiarib 2. Jedaiah 3. Harim 4. Seorim 5. Malkhijah 6. Mijamin 7. Hakkoz 8. Abijah 9. Jeshua 10. Shekaniah 11. Eliashib 12. Jakim 13. Huppah 14. Jeshebeab 15. Bilgah 16. Immer 17. Hezir 18. Happizzez 19. Pithahiah 20. Jehezkel 21. Jachin 22. Gamul 23. Delaiah 24. Maaziah

¹⁹ Israel maivei Ramai Mapao nou puletao vei puopaoh Aaron hi paopeiyu thaifüa puletao nou Mapao vei Rathoki hi soupfüre chikha khesü soure donou dothoupei khaitouyu maitao sü haitao-e.

Levi Maitao vei Zhih

²⁰ Levi vei tyaomai nahmai kukhe sü haitao-e: Amram vanou Shubael; Shubael vanou Jehdeiah.

²¹ Rehabiah nahpoutu Isshiah, puhnou peikhowo sü soue.

²² Izhar nahpoutu Shelomoth; Shelomoth nahpoutu Johath.

²³ Hebron nahpoutu maitao hai- Jeriah, Ammariah, Jehaziel ae Jekameam.

²⁴ Uzziel nahpoutu Mikah, Mikah nahpoutu Shamir.

²⁵ Mikah thaihou Isshia, Isshia nahpoutu Zekhariah.

²⁶ Merari vei tyaonah maitao sü haitao-e: Mahli, Mushia Jaaziah.

²⁷ Jaaziah hai nahpoutu asü bue: Sholam, Zakkur, ae Ibri.

^28-29 Mahli hai nahpoutu ahai bue, Eleazar ae Kish. Eleazar hai nahmai ha-e, ana Kish hai nahpoutu ali bue, Jerahmeel.

³⁰ Mushi hai nahpoutu asü bue: Mahli, Eder ae Jeremoth. Kihikhamai haitao hai Levi maitao-e.

³¹ Kihikhamai hi tsükana ae nakhana-a Aaron vei tyaomai nahmaitao büa David veo ae Zadok, Ahimelek, ae napao maitao ae Levi maitao kihikha peichona nghoujü nou rako zhu-a puletao nou soupfüre vah nasü dothou peie.