1 PUOPAOKO 2 - SHEEYU BAIBEL (BSI)

Judah vei Tyaosholea

¹ Jakob hai nahmai kiahai bue, puletao zhih nou Reuben, Simeon, Levi, Judah, Issakhar, Zebulun,

² Dan, Josef, Benjamin, Naphtali, Gad, ae Asher toue.

³ Judah hai nahpoutu asü bue, sütao hai Er, Onan ae Shelah toue. Nahpoutu haitao hai Kanaan pfüpai Bathshua nou napeie. Judah vei nahpoutu naraio Er hai Mapao vei nghingao hinou mai shisho-e, südonou puhye sü Mapao nou southawure.

⁴ Puh moupai Tamar nou Judahye nahpoutu ahai hrüpei pue: Perez ae Zerah.

⁵ Perez hai nahpoutu ahai bue: Hezron ae Hamul.

⁶ Zerah vei nahpoutu maitao hai: Zimri, Ethan, Heman, Kalkol, ae Darda.

⁷ Karmi nahpoutu Akhan nou posheelayu navei vaolouyu vanou Israel mai pei hi veahoyu sü pove peie.

⁸ Ethan hai nahpoutu ali bue, puh zhih sü Azaria tou-e.

David Veo vei Tyaosholea

⁹ Hezron hai nahpoutu asü bue: Jerahmeel, Ram, ae Kaled.

¹⁰ Ram hinou poa Jesse hi koute vei sholea sü haitao-e: Ram, Amminedad, Nahshon, (Puletao hai Judah khü hi matsüyu maitao-e),

¹¹ Salmou, Boaz,

¹² Obed, ae Jesse.

¹³ Jesse hai nahpoutu anai bue. Tsükayu na hinou poa shoshonou kouyu sü haitao-e: Eliab, Abinadab, Shammah,

¹⁴ Nethanel, Raddai,

¹⁵ Ozem, ae David.

¹⁶ Puh hai nah naotumai-a ahai bue: Zeruiah ae Abigail. Jesse nahpai Zeruiah-a nahpoutu mai asü bue: Abishai, Joab ae Asahel.

¹⁷ Abigail hai Ishmael maitya hinou hrüveyu Jether ki ve-e. Puh-a nahpoutu ali bue, puh zhih nou Amasa tou-e.

Hezron vei Tyaosholea

¹⁸ Hezron nahpoutu Kaleb nou Azubah-ye naloue. Honapai nou nahpoutu asü— Jesher, Shobab ae Arden hrüpeie.

¹⁹ Azubah thaitayu thai Kaleb nou Ephrath-ye naloue. Honapai nou Hur-ye napeie.

²⁰ Hur hai Uri puo-e, ae Uri hai Bezalel puo-e.

²¹ Hezron nou po rairou payu phaki puhnou Makhir nah naotupai Gilead tupaiye naloue, ae honapai nou Segub-ye hrüpeie.

²² Segub-a nahpoutu ali Jair tea nou bue. Jair nou Gilead teidei hi nuhdu kaisü khasa-a hrüe.

²³ Ana Geshur ae Aram vedei hi mainou nuhdu rairou hai Jair ae Kenath koa loua nou reih soua poloure. Hai hi hrüa buyu mai hrülai hai Gilead puo Makhir vei tyaosholea maitao-e.

²⁴ Hezron thaiyu thai, puh nahpoutu Kaleb nou puh pfü napai Ephrath-ye naloure, ae honapai nou Tekoa tea kuyu nuhdu soushupeiyu na Ashu-ye napeie.

Jerahmeel vei Tyaosholea

²⁵ Hezron nahpoutu tsükana Jerahmeel hai nahpoutu angou bue: Ram nou tsükana-e, süthaisü Bunah, Oren, Ozem, ae Ahijah.

^26-27 Ram hai nahpoutu asü bue: Maaz, Jamin, ae Eker toue. Jerahmeel hai maipfü kukhelia bue, puh zhih nou Atarah tou-e, ae honapai nou nahpoutu ali Onam tea napeie.

²⁸ Onam hai nahpoutu ahai bue: Shammai ae Jada toue. Shammai-a nahpoutu ahai bue: Nadad ae Abishur touwe.

²⁹ Abishur nou Abihail tea kuyu naotupaiye naloue, ae puhai chamai hai nahpoutu ahai naloue: Ahban ae Molid.

³⁰ Abishur vei thaihou Nadad-a nahpoutu ahai bue, Seled ae Appaim tou-e, ana Seled hai nahmai ali-a ha-a thaire.

³¹ Appaim nahpoutu zhih sü Ishi toue, ae Ishi nahpoutu zhih nou Sheshan toue, ae Sheshan nahpoutu zhih nou Ahlai tou-e.

³² Shammai thaihou Jada hai nahpoutu ahai bue, Jether ae Jonathan, ana Jether hai nahmai ha-a nou thaire.

³³ Jonathan vei nahpoutu ahai zhih nou Peleth ae Zaza toue. Mai haitao hai Jerahmeel vei tyaosholea maitao-e.

³⁴ Sheshan hai nahpoutu mai ha-e, naotumai ali bue. Puhvei qila soua buyu Ejipt maipu ali Jarha tea bue.

³⁵ Südonou Sheshan nou puh nahpaiye sü Jarha ki khaipeie, ae honapai nou nahpoutu ali Attai tea kuyu naye napeie.

³⁶ Attai hinou poa Elishama hi koute vei sholea maitao hai haitao-e: Attai, Nathan, Zabad,

³⁷ Ephlal, Obed,

³⁸ Jehu, Azariah,

³⁹ Helez, Eleasah,

⁴⁰ Sismai, Shallum,

⁴¹ Jekamiah, ae Elishama.

Kaleb vei Tyaonahmai Kukhetao

⁴² Jerahmeel thaihou Kaleb vei nah naraio na zhih sü Mesha tou-e. Mesha nou Ziph puo-e, puhnou Mereshah puo-e, puhnou Hebron puo-e.

⁴³ Hebron hai nahpoutu angou bue: Korah, Tappuah, Rekem ae Shema.

⁴⁴ Shema hai Raham pou-e, ae Raham hai Jorkeam puo-e. Shema thaihou Rekem hai Shammai pou-e.

⁴⁵ Shammai hai Maon puo-e, ae Maon hai Bethzur puo-e.

⁴⁶ Kaleh hai maipfü kukheli-a Ephah teanou bue, honapai nou nahpoutu asü napeie: Haran, Moza, ae Gazar. Haran-a nahpoutu ali Gazez teanou bue.

⁴⁷ (Mai ali Jahdai teanou bue, puh-a nahpoutu arou bue: Regem, Jatham, Geshan, Pelet, Ephah, ae Sheaph.)

⁴⁸ Kaleb vei chapfü kukhe ali Maakah tea kuyu painou nahpoutu ahai puhye napeie, puhai zhih nou Sheber ae Tirhanah toue.

⁴⁹ Honapei nou haithai-a nahpoutu ahai napu peie: Madmannah nuhdu soushu peiyu Shaaph, ae Machbenah ae Gibea nuhdu soushu-apeio Shevah. Süjünou pua Kaleb hai nah naotumai ali Achsah tea nou bue.

⁵⁰ Haitao hai Kaleb vei tyaosholea maitao-e. Hur hai Kaleb ae Ephrath nahpoutu tsükana-e. Hur nahpoutu Shobal nou Kiriath Jearim nuhdu nasü soushupeie.

⁵¹ Puh nahpoutu ahai cheyu Salma nou Bethlehem nuhdu nasü soushu-e, ae nahpoutu asü cheyu Hareph nou Bethgader nuhdu soushue.

⁵² Kiriath Jearim soushu-apeio Shobal vei nahpoutu kukhe maitao hai Haroeh, ae Menuhoth nuhdu hinou hrüa buyu dalilo,

⁵³ Kiriath Jearim hi hrüyu maitao, Ithrit maitao, Put mai, Shumath mai, ae Mishrait mai-e. (Zorah ae Eshtaol nuhdu hinou hrüyu maitao-a puhvei tyaosholea-e).

⁵⁴ Salma vei tyaosholea maitao hai Bethlehem, Netophath, Atroth Beth Joab, ae Manahath dali, Zor mai-e.

⁵⁵ (Jabez nuhdu hinou hrüyu chikha rüpeiyu maityatao hai haitao-e: Tiroth mai, Shimeath mai, ae Sukath mai. Puletao hai Rekab khüye koa shanghi souzhoyu Ken maitao-e).